24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Սիրիայում կառավարական բանակի և քրդերի միջև բախումներ են գրանցվել․ ԶԼՄ-ներ
Քաղաքականություն
14.08.2025 | 13:45
Սիրիայի Դեյր Զոր քաղաքում Եփրատ գետի երկայնքով բախումներ են տեղի ունեցել երկրի ժամանակավոր կառավարության բանակի և Սիրիայի դեմոկրատական ուժերի (SDF) քրդական կազմավորումների միջև։ Այս մասին հաղորդել է Syria TV-ն, փոխանցում է ՌԻԱ Նովոստին։
Դամասկոսի պաշտոնական իշխանություններն ու Սիրիայի հյուսիս-արևելքում գտնվող քրդական ինքնավար վարչակազմի ղեկավարությունն ավելի վաղ միմյանց մեղադրել էին Հալեպ նահանգում շփման գծում հրետակոծությունների և սադրանքների համար։
SDF-ը վերահսկում է Սիրիայի հյուսիս-արևելքը՝ երկրի տարածքի մոտ մեկ երրորդը, որտեղ 2011 թվականին զինված հակամարտության սկսվելուց հետո քրդերն ինքնավարություն հռչակեցին՝ Դամասկոսից անկախ վարչակազմով։ Քրդերի կողմից վերահսկվող տարածքներում են գտնվում նավթի և գազի հիմնական հանքավայրերը, ինչպես նաև գյուղատնտեսական հողերի զգալի մասը։
2025 թվականի փետրվարին SDF-ի հրամանատար, գեներալ Մազլում Աբդին հանդիպել է Սիրիայի անցումային նախագահ Ահմեդ ալ-Շարաայի հետ, որի ընթացքում կողմերը համաձայնել են անվտանգության հարցերում համակարգման անհրաժեշտության, սիրիական բանակի և քրդական ուժերի միջև բախումները կանխելու և քրդական ինքնավարության ինքնակառավարման մարմիններն ազգային կառույցներին ինտեգրելու հեռանկարների վերաբերյալ։ Մարտին կողմերը համաձայնագիր են ստորագրել։
