29.04.2026 | 13:39
Ուկրաինական ԱԹՍ-ները հարձակվել են Պերմի և Օրենբուրգի մարզերի վրա. հաղորդվում է նավթավերամշակման գործարաններում հրդեհների մասին
Այո, կա առաջարկ, այս անգամ ամեն ինչ շատ լուրջ է. Սպերցյանը հաստատել է տրանսֆերային լուրերը
14.08.2025 | 12:52
Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը հաստատել է, որ անգլիական «Սաութհեմփթոնը» առաջարկ է արել իր տրանսֆերի համար, սակայն վերջնական որոշումը կկայացվի ֆուտբոլիստի և ռուսական ակումբի նախագահ Սերգեյ Գալիցկու միջև բանակցություններից հետո․ գրում է armsport-ը։
«Դեռ վաղ է «Սաութհեմփթոն» տեղափոխության մասին խոսել: Բայց դա լուրջ է, առաջարկ կա: Ես դեռ Կրասնոդարում չեմ եղել: Շուտով կվերադառնամ և կխոսեմ [ակումբի նախագահ Սերգեյ Գալիցկու] հետ: Կտեսնենք, թե ինչ որոշում կկայացնենք միասին»,- ասել է Սպերցյանը «Матч ТВ»-ի «Всё на матч!» հաղորդման ժամանակ:
Պրեմիեր լիգայի նախորդ մրցաշրջանի արդյունքներով «Սաութհեմփթոնը» դուրս է մնացել մրցաշարից և նոր մրցաշրջանում կխաղա Չեմպիոնշիփում: Սպերցյանի տրանսֆերային արժեքը գնահատվում է 25 միլիոն եվրո: Նշվում է, որ «Սաութհեմփթոնը» պատրաստ է վճարել 12,5 միլիոն եվրո՝ հաշվի առնելով, որ ֆուտբոլիստի պայմանագրի ժամկետը «Կրասնոդարի» հետ լրանում է 2026 թվականի ամռանը։
