27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Մեկնարկել է Արամ Խաչատրյանի 6-րդ միջազգային փառատոնը. Մշակույթի նախարարություն
Մշակույթ
19.10.2018 | 20:04
ՀՀ մշակույթի նախարարության աջակցությամբ ս. թ. հոկտեմբերի 18-ին մեկնարկել է Ա. Խաչատրյանի 6-րդ միջազգային փառատոնը՝ նվիրված Արամ Խաչատրյանի 115-ամյակին։ Խաչատրյանական փառատոնը հոկտեմբերի 18-ից նոյեմբերի 13-ը ունկնդիրներին կներկայանա սիմֆոնիկ և կամերային համերգներով, մեծահամբավ մենակատարներով, հարուստ երկացանկով՝ երաժշտասերներին մատուցելով անկրկնելի համերգային երեկոներ։ Փառատոնի շրջանակում ընդգրկված է 9 համերգ՝ սիմֆոնիկ և կամերային։ Արամ Խաչատրյանի երաժշտությունը կհնչի նաև օտարազգի արտիստների կատարմամբ:
Աշխարհահռչակ դաշնակահար Բորիս Բերեզովսկին հոկտեմբերի 31-ին կկատարի Ա. Խաչատրյանի Դաշնամուրի կոնցերտը: Հանդես կգան նաև թավջութակահար Ալեքսանդր Ռամը, ջութակահար Դանիել Ռոնը և այլք։ Փառատոնի շրջանակում սիմֆոնիկ նվագախումբը հանդես կգա հետաքրքիր նախագծով՝ «Խաչատրյան նոն-ստոպ», որի ընթացքում կներկայացվի Ա. Խաչատրյանի կինոերաժշտությունը։
