17.02.2026 | 16:03
Վարչապետը շնորհավորական ուղերձներ է հղել Չինաստանի նախագահին և պետական խորհրդի նախագահին
ԱՄՆ Ազգային գվարդիայի զինվորականները Վաշինգտոն են ժամանել
Քաղաքականություն
13.08.2025 | 12:33
ԱՄՆ Ազգային գվարդիայի զինվորականները, որոնց նախագահ Դոնալդ Թրամփը հրահանգել էր լրացուցիչ տեղակայել Վաշինգտոնում, ժամանել են՝ ծառայելու ամերիկյան մայրաքաղաքում, հաղորդում է NBC հեռուստաալիքը։
Ավելի վաղ Պենտագոնը հաղորդել էր, որ Վաշինգտոն է ուղարկել Ազգային գվարդիայի շուրջ 800 զինվորականի՝ քաղաքում հանցագործության դեմ պայքարելու՝ նախագահ Թրամփի ծրագրի շրջանակում։
«Կոլումբիայի շրջանի Ազգային գվարդիան ժամանել է ծառայելու։ ԱՄՆ բանակն ակտիվացրել է Կոլումբիայի շրջանի Ազգային գվարդիան՝ օգնելու երկրի մայրաքաղաքում դաշնային և շրջանային իրավապահ մարմիններին»,- ասվում է ԱՄՆ բանակի հաղորդագրությունում։
Ավելի վաղ ԱՄՆ նախագահ Դոնալդ Թրամփը հայտարարել էր դաշնային իշխանությունների կողմից Վաշինգտոնում հանցագործության դեմ պայքարին ուղղված մի շարք քայլերի մասին։ ԱՄՆ նախագահը հրամանագիր է ստորագրել, որով Վաշինգտոնի ոստիկանությունը դրվել է ԱՄՆ դաշնային կառավարության անմիջական վերահսկողության տակ։
Բացի այդ, Թրամփը Վաշինգտոն է ուղարկել ԱՄՆ Ազգային գվարդիայի զինվորականների՝ սպառնալով, անհրաժեշտության դեպքում, մայրաքաղաք ուղարկել զինված ուժեր։
Պենտագոնի ղեկավար Փիթ Հեգսեթն իր հերթին հայտարարել էր, որ ԱՄՆ Ազգային գվարդիայի ուժերը կժամանեն Վաշինգտոն առաջիկա շաբաթներին և կմնան այնտեղ այնքան ժամանակ, որքան Թրամփը պահանջի։
