22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Հայտնաբերվել է առանձնապես խոշոր չափերի մարիխուանա․ ոստիկանների բացահայտումը
Հասարակություն
12.08.2025 | 14:00
Քրեական ոստիկանության Կոտայքի մարզային վարչությունում տեղեկություն էր ստացվել, որ Հրազդան քաղաքի Վանատուր թաղամասի բնակիչ 36-ամյա տղամարդը բակում աճեցրել է կանեփ և ապօրինի պահում է մարիխուանա։
ՆԳՆ-ից փոխանցում են, որ օգոստոսի 7-ին տղամարդը ձերբակալվել ու տեղափոխվել է վարչություն:
«Կազմված փաստաթղթերն ուղարկվեցին Կոտայքի մարզային քննչական վարչություն։ Նախաձեռնվեց քրեական վարույթ, և օգոստոսի 8-ին դատարանի որոշմամբ կատարված խուզարկությամբ, հողամասում հայտնաբերվեց մարիխուանայի նմանվող զանգվածով լցված ապակե երկու տարա, իսկ կայանված տրակտորի պահեստային մասում՝ նույն զանգվածով երեք փաթեթ: Հայտնաբերված զանգվածների ընդհանուր քաշը մոտ 450 գրամ էր։
Տղամարդը տեղափոխվել է ձերբակալվածների պահման վայր: Նախաքննությամբ հանգամանքները պարզվում են»,- ասված է հաղորդագրությունում։
