06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ուկրաինական ԱԹՍ-ները հարվածել են հրթիռների համար հելիում արտադրող ՌԴ միակ գործարանին
Քաղաքականություն
12.08.2025 | 12:20
Երկուշաբթի երեկոյան ուկրաինական անօդաչու թռչող սարքերը հարձակվել են Օրենբուրգի՝ հելիում արտադրող գործարանի վրա։ Այս մասին հաղորդում է ՌԲԿ-Ուկրաինան՝ վկայակոչելով իր աղբյուրներին։
Տեղի բնակիչները հայտնել են գործարանի տարածքում պայթյունների շարքի մասին։ Երեկոյան փակվել է Պերեվոլոցկի և Խոլոդնիե Կլյուչի բնակավայրերի միջև գտնվող Մ-5 «Ուրալ» դաշնային մայրուղու մի հատված, որը համընկնում է գործարանի գտնվելու վայրի հետ, նշում է աղբյուրը։
Գործարանի կայքի համաձայն՝ Օրենբուրգի հելիումի գործարանը Ռուսաստանում հելիում արտադրող միակ ձեռնարկությունն է, որն օգտագործվում է հրթիռների արտադրության և ավիացիոն արդյունաբերության մեջ։
Օրենբուրգի մարզային իշխանությունները դեռևս չեն հաստատել գործարանի վրա հարվածի մասին տեղեկությունը։ Նախօրեին Օրենբուրգի մարզի նահանգապետի պաշտոնակատար Եվգենի Սոլնցևը հայտնել էր մարզի վրա երկու անօդաչու թռչող սարքի խոցման մասին, սակայն լրացուցիչ մանրամասներ չէր փոխանցել։
Բացի այդ, երկրորդ օրն անընդմեջ դադարեցվել են թռիչքները Օրենբուրգի օդանավակայանում։
