24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Ավստրալիան հայտարարել է Պաղեստինը ճանաչելու մտադրության մասին
Քաղաքականություն
11.08.2025 | 14:04
Սեպտեմբերին ՄԱԿ-ի Գլխավոր վեհաժողովի նստաշրջանի ընթացքում Ավստրալիան պաշտոնապես կճանաչի «պաղեստինցի ժողովրդի՝ սեփական պետությունն ունենալու իրավունքը»։ Այս մասին հայտարարել է Ավստրալիայի վարչապետ Էնթոնի Ալբանեզեն, գրում է DW-ի ռուսական ծառայությունը։
Նրա խոսքով՝ Պաղեստինի ազգային վարչակազմի ներկայացուցիչները վստահեցրել են, որ «ՀԱՄԱՍ-ի ահաբեկիչները որևէ դեր չեն խաղա ապագա պաղեստինյան պետությունում»։
ՄԱԿ-ի անդամ շուրջ 150 պետություններ են հայտնել Պաղեստին պետությունը ճանաչելու մասին։ Այդ երկրների թվում են Իռլանդիան և Իսպանիան, նման մտադրության մասին հայտնել են նաև Ֆրանսիան, Կանադան ու Մեծ Բրիտանիան։
Մերձավոր Արևելքում իրավիճակը կտրուկ սրվեց 2023 թվականի հոկտեմբերի 7-ին երբ պաղեստինյան ՀԱՄԱՍ խմբավորումը լայնածավալ հարձակում իրականացրեց Իսրայելի վրա։ Իսրայելը պատասխանեց՝ պատերազմ հայտարարելով ՀԱՄԱՍ-ին։
Հուլիսի 23-ին ավելի քան 100 միջազգային մարդասիրական կազմակերպություններ զգուշացրել են Գազայի հատվածում սպասվող զանգվածային սովի մասին և կոչ արել մարդասիրական օգնություն տրամադրել։ Հաղորդվում է թերսնումից տասնյակ մարդկանց մահվան մասին, որոնց թվում բազմաթիվ երեխաներ կան։
