22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ԿԺԴՀ-ն ապամոնտաժում է բարձրախոսները Հարավային Կորեայի հետ սահմանի մոտ
Քաղաքականություն
10.08.2025 | 13:06
Հյուսիսային Կորեան սկսել է ապամոնտաժել բարձրախոսները, որոնք տեղակայված են Հարավային Կորեայի հետ սահմանի երկայնքով և օգտագործվում էին քարոզչական ուղերձների տարածման համար, հաղորդում է AFP գործակալությունը՝ վկայակոչելով Կորեայի Հանրապետության Զինված ուժերի Շտաբների պետերի կոմիտեն։ Ավելի վաղ նույն քայլն իրականացրել էր նաև Սեուլը։
Միևնույն ժամանակ հարավկորեացի զինվորականները ճշտել են, որ դեռ պետք է համոզվեն՝ բարձրախոսները հեռացվել են «բոլոր շրջաններից»։
Հարավային Կորեան առաջին անգամ բարձրախոսների միջոցով Հյուսիսային Կորեա հաղորդումներ է հեռարձակել 2004 թվականին՝ դրանք տեղադրելով երկու պետությունների միջև սահմանազատման գծի երկայնքով, և պարբերաբար վերականգնել է եթերումը։ ԿԺԴՀ սահմանամերձ շրջանների բնակիչները կարող էին լսել լուրեր և k-pop երաժշտություն, որոնք չէին ենթարկվում հյուսիսկորեական ցենզուրային։
Վերջին անգամ հեռարձակումը վերսկսվել էր մեկ տարի առաջ, երբ Փհենյանը սկսել էր դեպի հարավային հարևանն ուղարկել աղբով լցված օդապարիկներ։ Վերջին ամիսներին Հարավային Կորեայի բնակիչները բողոքում էին, որ ԿԺԴՀ-ից հեռարձակվում են նյարդայնացնող ձայներ՝ օրինակ՝ կենդանիների ոռնոց կամ ղողանջների հարվածներ։
