07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Սարատովը ենթարկվել է ուկրաինական անօդաչուների հարձակման․ բեկորները ընկել են բնակելի տան բակում, կա զոհ
Քաղաքականություն
10.08.2025 | 12:36
Օգոստոսի 10-ի գիշերը Սարատովում ուկրաինական անօդաչուների հարձակման ընթացքում դրանցից մեկը ընկել է բնակելի տան բակում, ինչի հետևանքով մեկ մարդ մահացել է, Meduza-ի փոխանցմամբ՝ այս մասին հայտնել է մարզի նահանգապետ Ռոման Բուսարգինը։
Հարձակման հետևանքով կան նաև մի քանի վիրավորներ․ նրանցից մեկը տեղափոխվել է հիվանդանոց, մնացածին տեղում բժշկական օգնություն է ցուցաբերվել։ Երեք բազմաբնակարան շենքերի բնակիչներ տարհանվել են։
Բուսարգինի խոսքով՝ հարձակման ժամանակ վնասվել է «արդյունաբերական ձեռնարկություններից մեկը»։ Ուկրաինական ԶԼՄ-ների պնդմամբ՝ անօդաչուները հարվածել են նավթավերամշակման գործարանին, որը գտնվում է Սարատովի հարավ-արևմուտքում՝ Զավոդսկոյ շրջանում։
Տարբեր շրջանների ականատեսներ հայտնել են հարձակումից հետո սկսված հրդեհների մասին։
Ռուսաստանի Պաշտպանության նախարարության տվյալներով՝ Սարատովի մարզի երկնքում օդային պաշտպանության ուժերը խոցել են ութ անօդաչու։ Ըստ գերատեսչության՝ ամբողջ գիշերվա ընթացքում Ռուսաստանի տարբեր շրջաններում խոցվել և ոչնչացվել է 121 ուկրաինական անօդաչու։ Ուկրաինայի հետ սահմանակից մարզերից բացի, հարվածի են ենթարկվել նաև Ռուսաստանի կենտրոնական մասում գտնվող որոշ շրջաններ։
