01.04.2026 | 19:31
Մենք լիովին հանգիստ ենք վերաբերվում․ Պուտինը՝ ՀՀ-ԵՄ մերձեցման մասին. ՏԵՍԱՆՅՈՒԹ
Փաստաթուղթը վերջ դրեց երկու պետությունների միջև երկարատև ռազմական հակամարտությանը․ Տոկաևը՝ Վաշինգտոնում ստորագրված հռչակագրի մասին
Քաղաքականություն
09.08.2025 | 16:22
Ղազախստանի նախագահ Կասիմ-Ժոմարտ Տոկաևը Վաշինգտոնում նախաստորագրված Ադրբեջանի և Հայաստանի միջև խաղաղության համաձայնագիրը համարում է պատմականորեն նշանակալի նվաճում։ Այս մասին իր Telegram ալիքում հայտնել է Ղազախստանի ղեկավարի մամուլի քարտուղար Ռուսլան Ժելդիբայը։
«Օգոստոսի 8-ին Սպիտակ տանը Հայաստանի և Ադրբեջանի ղեկավարները խաղաղության համատեղ հռչակագիր են ստորագրել։ Փաստաթուղթը վերջ դրեց երկու պետությունների միջև երկարատև ռազմական հակամարտությանը և հիմք է հանդիսացել դիվանագիտական հարաբերությունների հաստատման և նրանց միջև համագործակցության զարգացման համար՝ հիմնված երկարատև խաղաղության վրա»,- գրել է մամուլի քարտուղարը։
Հաղորդվում է, որ Տոկաևի խոսքով՝ Ադրբեջանի և Հայաստանի միջև այս եզակի համաձայնագրի նախաստորագրումը հնարավոր է դարձել ԱՄՆ նախագահ Դոնալդ Թրամփի՝ ակտիվ և արդյունավետ միջնորդական առաքելության շնորհիվ, որը կարողացել է համոզել Ադրբեջանի և Հայաստանի ղեկավարներին ցուցաբերել լիակատար քաղաքական կամք և ռազմավարական հեռատեսություն։
«Ղազախստանը նույնպես նպաստել է համաձայնագրի ձեռքբերմանը՝ առաջարկելով Ալմաթի քաղաքը որպես բանակցությունների վայր՝ արտգործնախարարների մակարդակով խաղաղության պայմանագրի հիմնական պարամետրերի շուրջ», – Ժելդիբայի փոխանցմամբ՝ այս մասին հայտարարել է Տոկաևը։
