03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Փաստաբան Վահե Գրիգորյանը՝ ՍԴ դատավորի թեկնածու
19.10.2018 | 15:28
Փաստաբան Վահե Գրիգորյանը Սահմանադրական դատարանի դատավորի թեկնածու է ներկայացվել: ՍԴ դատավորի ընտրության հարցը կքննարկվի հոկտեմբերի 23-ին գումարվելիք ՀՀ Ազգային ժողովի հերթական նիստի ընթացքում: Այս մասին տեղեկանում ենք ԱԺ մամուլի ծառայությունից:
«Հայաստանի Հանրապետության Սահմանադրության 166-րդ հոդվածի 1-ին մասի, 213-րդ հոդվածի և «Ազգային ժողովի կանոնակարգ» Հայաստանի Հանրապետության սահմանադրական օրենքի 141-րդ հոդվածի 3-րդ մասի համաձայն` Հանրապետության նախագահը Սահմանադրական դատարանի դատավորի թափուր տեղի համար առաջադրել է Վահե Գրիգորյանի թեկնածությունը: «Ազգային ժողովի կանոնակարգ» Հայաստանի Հանրապետության սահմանադրական օրենքի 141-րդ հոդվածի 5-րդ մասի համաձայն` Սահմանադրական դատարանի դատավորի ընտրության հարցը կքննարկվի հոկտեմբերի 23-ին գումարվող Ազգային ժողովի հերթական նիստերում»,- ասվում է ԱԺ նախագահ Արա Բաբլոյանի հայտարարությունում:
