05.11.2024 | 14:55
Գյումրիի իշխող ուժը հրաժարական է տվել, որովհետև քաղաքականությամբ չեն ուզում զբաղվել․ Շիրակի մարզպետ․ ՏԵՍԱՆՅՈՒԹ
12 մլրդ դրամ է «Գազպրոմի» աշխատավարձի ֆոնդը, պետք է հասկանանք առաջին 50 պաշտոնյան որքան աշխատավարձ է ստանում․ Մ․ Մելքումյան․ ՏԵՍԱՆՅՈՒԹ
Տնտեսություն
19.10.2018 | 14:39
ՀՀ գազի և էլեկտրաէներգիայի մատակարարման և բաշխման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը ուսումնասիրելու նպատակով ստեղծված քննիչ հանձնաժողովն այսօր սկսեց իր աշխատանքները։
Հանձնաժողովի աշխատանքներին մասնակցող ԱԺ ՀՅԴ խմբակցության պատգամավոր Ռոմիկ Մանուկյանը նշեց, որ այս հանձնաժողովի համար կարևոր պետք է լինի քննարկման առարկա դարձնել գազի խտությունն ու կորուստների չափը։
«Առհասարակ, այն հիմնական կորուստները, որոնք ներկայացվում են՝ ընդհանուր են, որովհետև, երբ ներկայացվում են սպառողի և գազախողովակաշարի կորուստները, ապա տեսնում ենք, որ թվերը տարբեր են։ Կորուստների գումարը վճարում է սպառողը, իսկ այդ կորուստների հիմնական մասը գնում է ստվերային վաճառքի՝ գազալցակայաններով և այլ ճանապարհներով»,- ասաց պատգամավորը։
Վերջինս նշեց, որ այս հանձնաժողովը պետք է հստակ չափանիշներ մշակի՝ 1000 խմ գազի սպառման համար սահմանելով մի սակագին, դրանից ավել սպառման համար՝ մեկ այլ։
«Որ չստացվի սակագին ունևորի և չունևորի միջև»,- ասաց պատգամավորը։
Հանձնաժողովի նախագահ Միքայել Մելքումյանը նկատեց, որ գազի և էլեկտրաէներգիայի իջեցումը չպետք է վերաբերի միայն սոցիալապես անապահով խավերին։
Անդրադառնալով «Գազպրոմի» շահութաբերության խնդրին էլ՝ Միքայել Մելքումյանը հավելեց․ «12 մլրդ դրամ է նրանց աշխատավարձի ֆոնդը, հիմա պետք է հասկանանք, նրանց շահութաբերության խնդիրը․ այնպես որ, դա էլ դեռ պետք է պարզենք, թե առաջին 50 պաշտոնյան որքան է ստանում, մյուսները՝ որքան»։
Մանրամասները՝ տեսանյութում։
