29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
Բաքվում շինծու գործերով դատական նիստում Դավիթ Բաբայանն ու Դավիթ Իշխանյանը հարցեր են ուղղել «տուժողներից» մեկին
Քաղաքականություն
07.08.2025 | 17:43
Արցախի ղեկավարների և այլ պաշտոնյաների շինծու գործերով հերթական դատական նիստն է ընթանում Բաքվի զինվորական դատարանում։ Ադրբեջանական լրատվամիջոցների հաղորդմամբ՝ ցուցմունք է տվել Արցախյան երկրորդ պատերազմի մասնակից, «տուժող» Շարիֆ Ալիևը։
Նա հայտնել է, որ 2020 թվականի նոյեմբերին՝ 44-օրյա պատերազմի ժամանակ, Մարտունիի ուղղությամբ հայ զինվորների կողմից ծանր վիրավորվել է և գերի ընկել։ Ալիևն ասել է, թե հայկական գերության մեջ, իբր, ծեծի և դաժան խոշտանգումների է ենթարկվել։
Արցախի նախկին ԱԳ նախարար Դավիթ Բաբայանի հարցերին ի պատասխան՝ Ալիևը հայտարարել է, թե գերի ընկնելուց առաջ իր չորս զինակիցները մահացել են, ինքն ու մեկ այլ զինծառայող՝ վիրավորվել։ Երկրորդ ծանր վիրավորված ադրբեջանցու գլխին, իբր, հայ զինվորները կրակել են։
Արցախի ԱԺ նախագահ Դավիթ Իշխանյանի հարցերին ի պատասխան էլ՝ «տուժողն» ասել է, որ 2020 թվականի դեկտեմբերի 15-ին Ադրբեջան վերադառնալուց հետո վիրահատվել է Գյանջայի կլինիկաներից մեկում։
Դատական նիստը շարունակվում է։
Թարգմանությունը՝ Էմմա Չոբանյանի
