16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
ՌԴ և ԱՄՆ նախագահների խորհրդականները կմասնակցեն Եվրասիական գործընկերության երևանյան համաժողովին
Քաղաքականություն
19.10.2018 | 13:13
Հոկտեմբերի 22-24-ը Հայաստանում տեղի կունենա Եվրասիական գործընկերության միջազգային երրորդ համաժողովը: Հավաքին կմասնակցեն եվրասիական, եվրոպական և ամերիկյան մի շարք երկրների գործարար և կառավարական պատվիրակություններ: Նպատակն է՝ ծանոթանալ Հայաստանի ներդրումային միջավայրին, ստեղծել նոր բիզնես կապեր, ամրապնդել նախկինում ձեռք բերված կապերն ու բիզնես-նախագծերը:
«Արմենպրես»-ի հաղորդմամբ՝ երևանյան համաժողովին կմասնակցեն Ռուսաստանի Դաշնության նախագահի խորհրդական Սերգեյ Գլազևը և ԱՄՆ նախագահի՝ կիբեռանվտանգության հարցերով խորհրդական, Նյու Յորքի նախկին քաղաքապետ Ռուդոլֆ Ջուլիանին:
Համաժողովի շրջանակում կկայանա նաև գիտական նստաշրջան՝ համաշխարհային ճանաչում ունեցող սփյուռքահայ գիտնականների մասնակցությամբ:
