07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
Թրամփը Հնդկաստանի համար լրացուցիչ 25% մաքսատուրք է սահմանել՝ ռուսական նավթի գնման համար
Քաղաքականություն
06.08.2025 | 22:31
ԱՄՆ նախագահ Դոնալդ Թրամփը ստորագրել է գործադիր հրամանագիրը, որով Հնդկաստանից ներմուծվող ապրանքների համար լրացուցիչ 25% մաքսատուրք է սահմանվում։
«Ես կարծում եմ, որ անհրաժեշտ և նպատակահարմար է լրացուցիչ մաքսատուրք սահմանել Հնդկաստանից ապրանքների ներմուծման համար, որն ուղղակիորեն կամ անուղղակիորեն նավթ է ներմուծում Ռուսաստանի Դաշնությունից»,- ասվում է Թրամփի հրամանագրում, որը հրապարակվել է Սպիտակ տան կայքում, փոխանցում է BBC-ի ռուսական ծառայությունը։
ԱՄՆ նախագահն ավելի վաղ պնդել էր, որ Հնդկաստանն անուղղակիորեն աջակցում է Ռուսաստանի պատերազմին Ուկրաինայի դեմ՝ գնելով ռուսական նավթ։
Հնդկաստանը հերքել է այդ պնդումները՝ նշելով, որ ԱՄՆ-ը նույնպես որոշ ապրանքներ է գնում Ռուսաստանից։
Մասնավորապես, Հնդկաստանի իշխանությունները Ռուսաստանից նավթի ներմուծման վերաբերյալ Միացյալ Նահանգների և Եվրամիության քննադատությունն անվանել են «չարդարացված և ոչ խելամիտ»։
Թրամփի հրամանագրի համաձայն՝ Հնդկաստանից ԱՄՆ մաքսային տարածք ներմուծվող ապրանքները ենթակա են լրացուցիչ 25% մաքսատուրքի։
Օգոստոսի 1-ից Միացյալ Նահանգներն արդեն իսկ Հնդկաստանի համար սահմանել է 25% առևտրային մաքսատուրք՝ դրանք բացատրելով առևտրային անհավասարակշռությամբ և Մոսկվայի հետ տնտեսական համագործակցությամբ։
Թարգմանությունը՝ Էմմա Չոբանյանի
