20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Ինչ տեղի կունենա, երբ ընտրություններին գրանցվի ոչ թե 4, այլ 3 կուսակցություն․ ընտրությունները չե՞ն կայանա․ Պետրոսյանը՝ Զեյնալյանին․ ՏԵՍԱՆՅՈՒԹ
Քաղաքականություն
19.10.2018 | 12:59
Ազգային ժողովի պետաիրավական հանձնաժողովում այսօր քննարկվում են Ընտրական օրենսգրքում կատարված փոփոխությունները։ Առաջարկվող կարգավորումներից մեկը վերաբերում է երեք կուսակցությունների կամ դաշինքների փոխարեն թույլատրել Ազգային ժողով մտնել 4 կուսակցությունների կամ դաշինքների և մանդատների բաշխումն իրականացնել նրանց միջև։
«4-րդ քաղաքական ուժը խորհրդարանում կհայտնվի ընտրություններում 2 տոկոս ընտրական շեմը հաղթահարելու պայմանով, և դա «Ծառուկյան» դաշինքի առաջարկությունն էր, որն ընդունվել է կառավարության կողմից»,- ասաց ԸՕ նախագծի զեկուցող, արդարադատության նախարարի պաշտոնակատար Արտակ Զեյնալյանը։
Նույն հանձնաժողովի անդամ, «Ծառուկյան» խմբակցության պատգամավոր Գևորգ Պետրոսյանը հարց ուղղեց. եթե նվազագույնը 4 կուսակցություն չի մասնակցում ընտրություններին, ապա արդյոք դրանք չե՞ն կայանալու։
Հարցին ի պատասխան Արտակ Զեյնալյանն ասաց․ «Հիմա մենք կարող ենք քննարկել ու տալ լուծում, թե ինչ է տեղի ունենում, երբ վերջնարդյունքում գրանցվում է 3 կուսակցություն կամ դաշինք»։
Նախարարի պաշտոնակատարն անդրադարձավ նաև խորհրդարանում մեծամասնություն կազմելու կարգավորմանը և նշեց, որ գործելու է բոնուսային համակարգ և լինելու է կայուն խորհրդարանական մեծամասնություն։
«Կայուն խորհրդարանական մեծամասնություն անպայման պետք է լինի Ազգային ժողովում, և քաղաքական փոքրամասնությունը չի կարող փոքր լինել, քան 1/3-րդը։ Դա մնացել է անփոփոխ», -նշեց Զեյնալյանը։
Մանրամասները՝ տեսանյութում։
