Մշակույթ
19.10.2018 | 12:17
Հոկտեմբերի 21-ին նշելու ենք Երևանի հիմնադրման 2800-ամյակը: Տոնի առիթով մայրաքաղաքում բազմաթիվ միջոցառումներ են նախատեսվում: Դրանք կմեկնարկեն ժամը 8:00-ին Երևանյան մարաթոնով՝ Շահումյանի հրապարակից: Մարաթոնին 2800 վազորդ կմասնակցի: Այս մասին տեղեկանում ենք Երևանի քաղաքապետարանից:
Օրվա ընթացքում երևանցիներն ու մայրաքաղաքի հյուրերը կարող են մասնակցել նաև այլ միջոցառումների.
«Բազմազգ Երևան»
Ժամը 12:00-18:00 – Ազգային փոքրամասնությունների հարթակ՝ Անգլիական այգում:
«Սիրահարդ եմ երևան»
Ժամը 12:00-13:00 – Հեծանվավազք, որը կմեկնարկի Շահումյանի հրապարակից և կավարտվի Էրեբունի թանգարանի հարակից տարածքում:
«Արևային Երևան»
Ժամը 13:00-18:00 – Տոնական մանկական ծրագիր՝ Կիրովի անվան մանկական զբոսայգում:
«Տոնական Երևան»
Ժամը 14:00-15:00 – Փողային նվագախմբերի մասնակցությամբ շքերթ՝ Ազատության հրապարակից մինչև Հանրապետության հրապարակ:
«Իմ դասական Երևան»
Ժամը 14:00-18:00 – Դասական երաժշտության հարթակ՝ Կոնսերվատորիայի շքամուտքի դիմաց:
«Երևանյան էսքիզներ»
Ժամը 15:00-18:00 – Բենդերի բեմահարթակ՝ Հյուսիսային պողոտայում:
«Իմ հայկական Երևան»
Ժամը 16:00-22:00 – Ազգային երգ ու պարի հարթակ՝ Ազատության հրապարակում:
«Իմ ջազային Երևան»
Ժամը 16:00-21:00 – Ջազ երաժշտության բեմահարթակ՝ Կասկադի տարածքում:
«Երևանյան ռոք»
Ժամը 17:00-22:00 – Ռոք երաժշտության բեմահարթակ՝ Ազնավուրի հրապարակում:
«Ուրարտուից մինչև օրս»
Ժամը 18:00-19:00 – Տարազի ցուցադրություն՝ Հյուսիսային պողոտայում:
Ժամը 19:30-21:00-ն Հանրապետության հրապարակում նախատեսվում է գալա համերգ, որի ավարտին՝ 21:30-ին հրավառություն կլինի:
Տոնական միջոցառումներ են նախատեսվում նաև Երևանի վարչական շրջանների կենտրոնական հրապարակներում և այգիներում: Բացի այդ՝ հոկտեմբերի 21-ին Երևանի պատմության թանգարանն ու Էրեբունի պատմահնագիտական արգելոց-թանգարանը կաշխատեն ժամը 11:00-19:00-ը: Մուտքն ազատ կլինի:
