14.09.2026 | 16:23
Փաստաբան և Հարկադիրի նախկին պաշտոնյաներ են ձերբակալվել
Փաշինյան-Թրամփ-Ալիև եռակողմ հանդիպում կլինի Վաշինգտոնում․ ՀՀ կառավարություն
Քաղաքականություն
06.08.2025 | 08:23
Օգոստոսի 7-8-ին Հայաստանի Հանրապետության վարչապետ Նիկոլ Փաշինյանը այց կկատարի Ամերիկայի Միացյալ Նահանգներ։ Այս մասին հայտնում են ՀՀ կառավարությունից։
«Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Ջ. Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը»,- ասված է հաղորդագրության մեջ։
Ավելի վաղ հայտնել էինք, որ ըստ Middle East Eye-ի աղբյուրների, Ադրբեջանն ու Հայաստանը ուրբաթ Վաշինգտոնում կստորագրեն փոխըմբռնման հուշագիր, որը կպարտավորեցնի խաղաղության հասնել։ Ադրբեջանցի լրագրող Ալեքս Ռաուֆօղլունը հայտնել էր, որ ԱՄՆ նախագահ Դոնալդ Թրամփը Սպիտակ տանը կընդունի Հայաստանի և Ադրբեջանի ղեկավարներին։ Փաշինյանի աշխատկազմն էլ ԱՄՆ կատարելիք այցի մասին մամուլում և սոցիալական ցանցերում շրջանառվող տեղեկատվությունը ո՛չ հերքել էր, ո՛չ՝ հաստատել։
Factor.am-ի տեղեկություններով՝ արձակուրդում գտնվող ՀՀ վարչապետ Նիկոլ Փաշինյանը երեկ կառավարության շենքում հանդիպելու էր մի խումբ փորձագետների հետ։
