07.09.2026 | 19:32
Առողջության համընդհանուր ապահովագրության հիմնադրամի գլխավոր տնօրենի պաշտոնի համար կանցկացվի նոր մրցույթ
Էներգակիրների գների նվազումը կստիպի Պուտինին դադարեցնել պատերազմը․ Թրամփ
Քաղաքականություն
05.08.2025 | 21:14
ԱՄՆ նախագահ Դոնալդ Թրամփը հայտարարել է, որ էներգակիրների գների նվազումը կստիպի ՌԴ նախագահ Վլադիմիր Պուտինին դադարեցնել պատերազմը։ Այս մասին նա ասել է CNBC-ին տված հարցազրույցում, գրում է BBC-ի ռուսական ծառայությունը։
«Եթե էներգակիրների գները բավականաչափ իջնեն, Պուտինը կդադարի մարդկանց սպանել։ Նա այլընտրանք չի ունենա, քանի որ նրա տնտեսությունը ծանր վիճակում է»,- ասել է Թրամփը հեռուստաալիքին տված հարցազրույցում։
Ուրբաթ լրանում է Վլադիմիր Պուտինին տրված Թրամփի վերջնագրի ժամկետը՝ Ուկրաինայում կրակը դադարեցնելու վերաբերյալ։ Հրաժարվելու դեպքում ԱՄՆ նախագահը խոստացել է նոր պատժամիջոցներ կիրառել երկրի դեմ և 100% մաքսատուրք սահմանել Ռուսաստանի գործընկերների նկատմամբ։
Ըստ Թրամփի՝ առաջիկա 24 ժամվա ընթացքում նա զգալիորեն կբարձրացնի Հնդկաստանից ներմուծման մաքսատուրքը ներկայիս 25 տոկոսից՝ հաշվի առնելով Հնդկաստանի կողմից ռուսական նավթի շարունակական գնումները։
Թարգմանությունը՝ Էմմա Չոբանյանի
