07.06.2026 | 20:38
«Խախտումներ արձանագրվել են շուրջ 800 տեղամասում կամ դիտարկված տեղամասերի 44%-ում». Դանիել Իոաննիսյան․ ՏԵՍԱՆՅՈՒԹ
Լեգենդար «Konzerthaus Berlin» համերգասրահում տեղի ունեցավ «Երևան» երիտասարդական նվագախմբի դեբյուտային համերգը
Հասարակություն
05.08.2025 | 17:45
2025 թ. օգոստոսի 2-ին Բեռլինի լեգենդար «Konzerthaus Berlin» համերգասրահում կայացավ «Երևան» երիտասարդական նվագախմբի հիշարժան դեբյուտային համերգը՝ միջազգային հեղինակություն վայելող «Young Euro Classic» փառատոնի շրջանակում։ Երիտասարդ երաժիշտների համերգը ավարտվեց հոտնկայս ծափահարություններով՝ դառնալով փառատոնի ամենաազդեցիկ պահերից մեկը։ Այս մասին տեղեկացնում է «Արամ Խաչատրյան» մշակութային հիմնադրամը։
«Հայաստանյան պատվիրակությունը Բեռլին էր մեկնել դիրիժոր Սերգեյ Սմբատյանի ղեկավարությամբ՝ ներկայացնելու հայկական երաժշտական կրթության և մշակութային ներուժի լավագույն կողմերը։ Երեկոյի ընթացքում հանդիսատեսը վայելեց Ալեքսանդր Հարությունյանի Շեփորի կոնցերտը անվանի վիրտուոզ շեփորահար Սերգեյ Նակարիակովի մենակատարմամբ, ինչպես նաև Էդվարդ Գրիգի «Պեր Գյունտ» սյուիտն ու Անտոնին Դվորժակի 9-րդ՝ «Նոր աշխարհից» սիմֆոնիան։
Պատասխանատու այս օրվան «Երևան» երիտասարդական նվագախմբի շնորհաշատ երաժիշտները պատրաստվել էին Հայաստանի պետական սիմֆոնիկ նվագախմբի առաջատար երաժիշտների օգնությամբ։
Համերգն ավարտվեց հանդիսատեսը երկարատև և բուռն ծափահարություններով և Խաչատրյանական երկու բիսերի վայելումով։ Չդադարող ծափահարությունների ներքո երիտասարդ երաժիշտներն ազդարարեցին միջազգային բեմերի իրենց արժանապատիվ մուտքը։
«Երևան» երիտասարդական նվագախմբի մասնակցությունն այս փառատոնին կազմակերպվել էր «Արամ Խաչատրյան» մշակութային հիմնադրամի կողմից՝ Երևանի քաղաքապետարանի աջակցությամբ»,- ասված է հաղորդագրության մեջ։
