12.01.2026 | 21:13
Ալիևը Հայաստանին մեղադրել է ժամանակին Ադրբեջանի դեմ իրականացված «ջրային ահաբեկչության» մեջ
Էրդողանը փոփոխություններ է կատարել Թուրքիայի ռազմական բարձրագույն ղեկավար կազմում
Քաղաքականություն
05.08.2025 | 22:49
Թուրքիայի նախագահ Ռեջեփ Թայիփ Էրդողանի նախագահությամբ գումարված Բարձրագույն ռազմական խորհրդի նիստում կայացված որոշումները վերջնականապես հաստատվել են։ TRT Haber-ի հաղորդմամբ՝ 2,5 ժամ տևած նիստից հետո որոշումները ստորագրվել և հաստատվել են Էրդողանի կողմից։
Թուրքիայի զինված ուժերի հրամանատարական կառուցվածքը փոխվել է։ Գլխավոր շտաբի նոր պետ է նշանակվել ցամաքային զորքերի հրամանատար, գեներալ Սելչուկ Բայրաքթարօղլուն։ Նա այս պաշտոնում փոխարինել է Մեթին Գյուրաքին։
Առաջին բանակի հրամանատար, գեներալ Մեթին Թոքելը նշանակվել է ցամաքային զորքերի հրամանատար։ Ռազմածովային ուժերի հրամանատար, ծովակալ Էրջումենտ Թաթլիօղլուի և ռազմաօդային ուժերի հրամանատար, գեներալ Զիյա Ջեմալ Քադիօղլուի պաշտոնավարման ժամկետը երկարաձգվել է մեկ տարով։
Գլխավոր շտաբի պետ, գեներալ Մեթին Գյուրաքը նույնպես ազատվել է պաշտոնից։
Բացի այդ, Էրդողանը համապատասխան հրամանով Ադրբեջանում Թուրքիայի ռազմական համագործակցության խմբի հրամանատար, Ադրբեջանի պաշտպանության նախարարի խորհրդական Բախտիյար Էրսային շնորհվել է բանակի գեներալի զինվորական կոչում: Էրսայը թուրքական բանակի գեներալ է։
Բարձրագույն ռազմական խորհրդի որոշումներն ուժի մեջ կմտնեն օգոստոսի 30-ից։
Թարգմանությունը՝ Էմմա Չոբանյանի
