14.05.2026 | 15:06
Հակակոռուպցիոն կոմիտեն և ԱՄՆ ՀԴԲ-ն ևս 3 տարով երկարաձգել են համագործակցությունը
ՔԿ-ն ՝ ՔՊ-ական պատգամավոր Սերգեյ Բագրատյանի որդու մասնակցությամբ ծեծկռտուքի լուրերի մասին
Հասարակություն
05.08.2025 | 16:12
Երևանում մի խումբ անձանց կողմից կատարված խուլիգանության դեպքի առթիվ նախաձեռնվել է քրեական վարույթ, այս մասին Factor.am-ին պարզաբանեցին ՔԿ-ից՝ անդրադառնալով մամուլում շրջանառվող տեղեկություններին, ըստ որոնց՝ ԱԺ ՔՊ խմբակցության պատգամավոր Սերգեյ Բագրատյանի որդին ծեծկռտուքի մասնակից է դարձել։
Իրավապահ կառույցից մանրամասնեցին, որ դեպքի առթիվ երեկ գիշերը երեք անձ է ձերբակալվել, որոնք ազատ են արձակվել։ Դեպքի վերաբերյալ ՔԿ-ից այլ մանրամասներ չեն հայտնել՝ նշելով, որ այս պահին կատարվում է նախաքննություն։
Պատգամավորի որդու՝ ծեծկռտուքի մասնակից լինելու լուրերի վերաբերյալ փորձեցինք մեկնաբանություն ստանալ նաև Սերգեյ Բագրատյանից, նրա հետ, սակայն, կապ հաստատել չհաջողվեց։
Մանյա Պողոսյան
