12.01.2026 | 21:26
Չաբի Ալոնսոն հեռացվեց «Ռեալից»
Թետչերն ասում էր՝ եթե անընդհատ հիշեցնում ես՝ լեդի ես, ուրեմն լեդի չես. Աշոտյանը` Քոչարյանին. ՏԵՍԱՆՅՈՒԹ
Տեսանյութեր
05.08.2025 | 14:29
«Մարգարիտ Թետչերին հարցնում են՝ ի՞նչ է նշանակում լինել հզոր։ Թետչերը պատասխանում է, որ հզոր լինելը նման է լեդի լինելուն․ երբ ստիպված հիշեցնում ես, որ դու լեդի ես, ուրեմն այլևս լեդի չես»,- մամուլի ասուլիսի ժամանակ այսպես արձագանքեց ՀՀԿ փոխնախագահ Արմեն Աշոտյանն՝ արձագանքելով Ռոբերտ Քոչարյանի այն հայտարարությանը, թե «Հայաստան» դաշինքը մեծ միավոր է։
Ռոբերտ Քոչարյանը 5-րդ ալիքին տված հարցազրույցում հայտարարել էր, որ այսօր քաղաքական դաշտում կա երկու մեծ միավոր՝ մեկը «Հայաստան» դաշինքն է, մյուսը Սամվել Կարապետյանի ստեղծվող քաղաքական ուժն է։
Անդրադառնալով Սերժ Սարգսյանի և Ռոբերտ Քոչարյանի քաղաքկան ուժերի միջև առկա տարաձայնություններին՝ ՀՀԿ փոխնախագահը նշեց, որ նորմալ է համարում, որ քաղաքական ուժերի միջև կարող են լինել տարաձայնություններ, բայց նորմալ չի համարում, որ երբեմն դրանք դառնում են առաջնային։
«Այս դաշտում տեսնում եմ որոշակի տերմինների մանիպուլյացիա. ես և իմ ընկերները երբեք չենք խոսել այն մասին, որ ընտրություններին պետք է գնանք միասին։ Այսինքն, տարանջատվում ենք, որ առանձին գնանք ընտրությունների, ինքնին մանիպուլատիվ է, քանի որ երբեք ոչ մի ՀՀԿ-ական չի ասել, թե պետք է միասնական դաշինքով գնալ ընտրությունների»,- հայտարարեց Աշոտյանը։
Մանրամասները՝ տեսանյութում։
Մանյա Պողոսյան
