27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
ՌԴ-ում զբոսաշրջիկների տեղափոխող ավտոբուսը բախվել է բեռնատար գնացքին. զոհ և վիրավորներ կան
04.08.2025 | 11:05
Լենինգրադի մարզի Լոդեյնոպոլսկի շրջանի երկաթուղային անցման կետում զբոսաշրջիկների տեղափոխող ավտոբուսը բախվել է բեռնատար գնացքի։ Բախման հետևանքով մեկ մարդ զոհվել է, 16-ը՝ վիրավորվել, հայտնում է մարզային վարչակազմի մամուլի ծառայությունը, գրում է ՏԱՍՍ-ը։
«Լենինգրադի մարզի առողջապահության կոմիտեի տվյալներով՝ Լոդեյնոպոլսկի շրջանի անցման վայրում ավտոբուսի և բեռնատար գնացքի բախման հետևանքով զոհվել է 1 մարդ, տուժել՝ 16 ուղևոր»,- ասվում է հաղորդագրության մեջ։
Ավելի վաղ «Հոկտեմբերյան երկաթուղի» ընկերության մամուլի ծառայությունը հայտնել էր միջադեպի հետևանքով 2 զոհի և 10 վիրավորի մասին։ Բախումը տեղի է ունեցել Մոսկվայի ժամանակով ժամը 06:11-ին՝ «Լոդեյնոյե Պոլե» և «Օլոնեց» կայարանների միջև գտնվող երկաթուղային անցման վայրում։
«Գնացքի մեքենավարը կիրառել է արտակարգ արգելակում, սակայն հեռավորությունը բավարար չի եղել և բախումից հնարավոր չի եղել խուսափել»,- ասվում է հաղորդագրության մեջ։
Վթարի հանգամանքները պարզվում են։ Իրականացվում է երկաթուղային տրանսպորտի շահագործման անվտանգության օրենսդրության պահպանման և ուղևորների իրավունքների կատարման ստուգում։
Թարգմանությունը՝ Էմմա Չոբանյանի
