12.01.2026 | 18:33
Վաղը որոշ ժամանակ հնարավոր է հասանելի չլինի ՀՀ կենտրոնական բանկի բանկային հաշիվների կենտրոնացված ռեեստրի աշխատանքը․ ԿԲ
Հյուսիսային Եվրոպայի երկրներում աննախադեպ շոգ է․ ջերմաստիճանը բարձր է նորմայից 8-10 աստիճանով
02.08.2025 | 17:49
Հյուսիսային Եվրոպայի երկրներում «իսկապես աննախադեպ» շոգ է․ տաք եղանակը և ածխածնային աղտոտվածությունը շարունակում է «այրել» Հյուսիսային Եվրոպան։ Այս մասին հայտնում է The Guardian-ը։
Ըստ լրատվամիջոցի՝ Նորվեգիայի արկտիկական շրջաններում գտնվող օդերևութաբանական կայաններից մեկը հուլիսին 13 օր շարունակ 30°C-ից բարձր ջերմաստիճան է արձանագրել։ Ֆինլանդիայում էլ շոգ եղանակը շարունակվում է արդեն երեք շաբաթ՝ պահպանելով նույն բարձր ջերմաստիճանը։
Գիտնականների խոսքով՝ սա ամենաերկար շոգի շրջանն է 1961 թվականից ի վեր, և մոտ 50%-ով գերազանցում է նախորդ ռեկորդը։
«Աննախադեպ շոգ ալիքը դեռ շարունակվում է՝ այսօր ջերմաստիճանը հասել է 32-33°C-ի,» – գրել է ֆինլանդական օդերևութաբանական ինստիտուտի կլիմայագետ Միկա Ռանտանեն։
Նորվեգիայի օդերևութաբանական ինստիտուտի տվյալներով՝ հուլիսին երկրի ամենահյուսիսային երեք նահանգներից առնվազն մեկ կայան 12 օր շարունակ գրանցել է 30°C-ից բարձր ջերմաստիճան։ Թեպետ անցյալ շաբաթ կարճատև զովացում է նկատվել, ինստիտուտը նախազգուշացրել է, որ այս հանգստյան օրերին կրկին սպասվում են 30 աստիճան շոգեր։
Շվեդիայում ևս օդերևութաբանները հայտնում են երկարատև շոգերի մասին։ Տարբեր կայաններում երկրի հյուսիսում գրանցվել են ռեկորդներ․Հապարանդա քաղաքում ջերմաստիճանը 14 օր շարունակ եղել է 25°C կամ ավելի, իսկ Լապլանդիայում՝ Յոկմոկ քաղաքում, շոգ եղանակը շարունակվել է 15 օր։
Հուլիսի կեսերին Հյուսիսային Եվրոպայում տարածված ուժեղ շոգը պայմանավորված է եղել Նորվեգիայի հյուսիսային ափերի տաք ջրերով և բարձր ճնշման գոտով, որը բերել է սեզոնային նորմայից 8-10°C բարձր ջերմաստիճան։ Տարածաշրջանը, սակայն, բախվել է նաև փոթորիկների և կայծակների, որոնք մի շարք վայրերում անտառային հրդեհներ են առաջացրել։
