24.04.2026 | 23:32
Կապանում ջրանջատում կլինի
Բոլորս ուզել ենք, որ Մելիք-Ադամյանը վերջանա. Գագիկ Ծառուկյան. ՏԵՍԱՆՅՈՒԹ
Քաղաքականություն
18.10.2018 | 18:10
Բոլորս էլ ուզեցել ենք, որ Մելիք-Ադամյանը վերջանա։ Այս մասին այսօր «Մայնինգ Ֆերմայի» բացման արարողությունից հետո լրագրողների հետ զրույցում ասաց ԲՀԿ առաջնորդ Գագիկ Ծառուկյանը։
ԲՀԿ առաջնորդը շեշտեց, որ հեղափոխության օրերին տարբեր եղանակներով աջակցել է շարժմանը՝ ցանկանալով երկրում բան փոխել։ Անդրադառնալով Նիկոլ Փաշինյանի հետ ստորագրած հուշագրին, Գագիկ Ծառուկյանը նշեց, որ ինչպես ավելի վաղ է ասել, այնպես էլ հուշագիրը ստորագրելուց հետո է ասում. աջակցելու է Փաշինյանին։
«Ամեն մեկս պիտի աջակցի, որ այդ մարդու ծրագիրն իրականություն դառնա, որպեսզի կարողանանք աշխատատեղեր և ներգաղթ ապահովենք»,- ասաց Ծառուկյանը։
Վերջինս, սակայն, նկատեց, որ պաշտոնի համար գլուխ չի ջարդում, ընդամենը խնդիր է դնում երկրում աշխատատեղեր ստեղծելու և տնտեսությունը զարգացնելու համար։
ԲՀԿ առաջնորդն ընդգծեց, որ այս հարցում չի կասկածում, որ Նիկոլ Փաշինյանն իր խոստումները կատարելու է, իսկ ինքն էլ իր հերթին սատարելու է, որ կարողանան ներդրումներ ապահովել։ «Դա անելու ենք՝ անկախ այն բանից՝ կոալիցիա կկազմե՞նք, թե՞ ոչ»,- ասաց ԲՀԿ առաջնորդը՝ շեշտելով, որ ի տարբերություն շատերի, որոնք ապրում են մանդատ և պաշտոն ձեռք բերելու համար, ինքը ներդնում է իր ունեցածը։
Մանրամասները՝ տեսանյութում:
