22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Հեղաշրջում, սպանություններ․ ՌԴ-ն ոչնչի առաջ չի կանգնի ՀՀ-ում իր դրածոներին իշխանության բերելու․ մեծ խաղ է․ Հովսեփ Խուրշուդյան․ ՏԵՍԱՆՅՈՒԹ
Քաղաքականություն
31.07.2025 | 21:00
Մոլդովայի նախագահ Մայա Սանդուն ահազանգել է, որ ՌԴ-ն պատրաստվում է միջամտել երկրի խորհրդարանական ընտրություններին։ Նրա խոսքով՝ ՌԴ-ն կարող է օգտագործել տարբեր գործիքներ՝ ընտրակաշառք, կիբեռհարձակումներ, տեղեկատվության մանիպուլյացիա և վճարովի բողոքի ցույցեր։ «Միայն կրիպտոարժույթների միջոցով նախատեսվում է մոտ 100 միլիոն եվրոյի ֆինանսավորում»,- հայտարարել է նա՝ ռուսական միջամտությունը որակելով սպառնալիք ազգային անվտանգությանը, ինքնիշխանությանը և եվրոպական ապագային։ «Ազատ քաղաքացի» ՀԿ նախագահ Հովսեփ Խուրշուդյանը Factor TV-ի հետ զրույցում վստահություն է հայտնում, որ ՌԴ-ն միջամտելու է նաև 2026-ի ՀՀ ԱԺ ընտրություններին․
«Հեղաշրջում, սպանություններ, ահաբեկչության փորձեր․․․ ՌԴ-ն ոչնչի առաջ չի կանգնի ՀՀ-ում իր դրածոներին իշխանության բերելու համար։ Նախկին քրեաօլիգարխիան ՀՀ-ն ռուսական ծայրագավառ է ուզում դարձնել, և ակնհայտ է, որ ՌԴ-ն միջամտելու է 2026-ի ընտրությանը։ ՌԴ-ն մտահոգված է ՀՀ-ի՝ ԵՄ գնալով։ ՌԴ-ն դավաճանեց ՀՀ-ին, բայց Ադրբեջան չստացավ, հիմա էլ կփորձի 5-րդ շարասյանը իշխանության բերել՝ ՀՀ-ն վասալ դարձնելու»։
Հովսեփ Խուրշուդյանն անդրադարձել է նաև հարցին, թե ՌԴ-ն ինչպես է միջամտել այլ երկրների ընտրություններին, ինչ հաշվարկներ են թաքնված ՀՀ-ում պրոռուսական ուժերի իշխանության բերելու նպատակադրման տակ, որ խմբերը ՌԴ-ն կարող է դիտարկել որպես սեփական շահերը սպասարկող ուժեր։
Հարցազրույցն ամբողջությամբ՝ տեսանյութում։
Ռոբերտ Անանյան
