06.10.2026 | 11:24
Դուրս եմ հանելու, հետո՝ դուրս շպրտեմ, հետո՝ խմբակային ցույց տանք, թե որը որից հետո ա․ Ռուբինյան․ ՏԵՍԱՆՅՈՒԹ
Ուկրաինան և Ադրբեջանը ռազմավարական գործընկերության խորացման ուղիներն են քննարկել
Քաղաքականություն
31.07.2025 | 16:21
Ադրբեջանի նախագահ Իլհամ Ալիևի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպել է Ուկրաինայի դեսպան Յուրի Գուսևի հետ։
«Քննարկել ենք ռազմավարական գործընկերության խորացման ուղիները։ Երախտապարտ եմ Ադրբեջանին՝ Ուկրաինային ցուցաբերած անսասան աջակցության և համերաշխության համար»,- գրել է Ուկրաինայի դեսպանը X-ի իր միկրոբլոգում։
Հավելենք, որ այս հանդիպումը տեղի է ունենում ՌԴ ԱԳՆ պաշտոնական ներկայացուցիչ Մարիա Զախարովայի այն հայտարարությունների ֆոնին, թե Կիևը ծրագրել է Մոսկվա-Բաքու հակասություններն օգտագործել՝ ազգային հողի վրա ատելություն և թշնամանք հրահրելով։
«Մեր ունեցած տվյալներով՝ Ուկրաինայի անվտանգության ծառայությունը մտադիր է օգտագործել ռուս-ադրբեջանական հակասությունները՝ ազգային հողի վրա ատելություն և թշնամանք հրահրելու համար։ Մեզ հայտնի է պլանի մասին, որ ծրագրվում է ներգրավել ՌԴ-ից փախածներին, որոնք պատրաստ են վարձատրության դիմաց ռուսական դրոշի ներքո իրականացնել դիվերսիաներ Ադրբեջանի քաղաքացիների, ներկայացուցչությունների և մշակութային հաստատությունների նկատմամբ»,- ասել էր Զախարովան՝ նադրադառնալով նաև Ուկրաինա ադրբեջանական գազի մատարարմանը։
Թարգմանությունը՝ Էմմա Չոբանյանի
