20.08.2026 | 23:01
«Նոան» նոր գլխավոր մարզիչ ունի
Կրեմլն արձագանքել է ԱՄՆ նախագահի նոր վերջնաժամկետին
Քաղաքականություն
30.07.2025 | 16:41
Սպիտակ տան ղեկավար Դոնալդ Թրամփի՝ նոր պատժամիջոցների կիրառման հնարավորության մասին հայտարարությունների ֆոնին՝ ՌԴ նախագահի մամուլի քարտուղար Դմիտրի Պեսկովը նշել է, որ Ռուսաստանի տնտեսությունն արդեն իմունիտետ է ձեռք բերել դրանց նկատմամբ, հաղորդում է Ինտերֆաքսը։
«Մենք բավական երկար ժամանակ ապրում ենք հսկայական թվով պատժամիջոցների տակ, մեր տնտեսությունը գործում է հսկայական թվով սահմանափակումների ներքո, ուստի մենք արդեն որոշակի իմունիտետ ենք ձեռք բերել այս առումով։ Մենք շարունակում ենք գրանցել նախագահ Թրամփի և այլ միջազգային ներկայացուցիչների բոլոր հայտարարությունները այս հարցի վերաբերյալ»,- ասել է նա՝ մեկնաբանելով Թրամփի կողմից ուկրաինական կարգավորման համար հատկացված տասնօրյա ժամկետից հետո նոր պատժամիջոցներ սահմանելու հնարավորությունը։
Թրամփի կողմից ուկրաինական ճգնաժամի կարգավորման ժամկետների վերաբերյալ փաստացի վերջնագրի հետ կապված Կրեմլի արձագանքի վերաբերյալ հարցին ի պատասխան էլ՝ Պեսկովն ասել է․ «Մենք հաշվի ենք առնում այս բոլոր հայտարարությունները»:
Ավելի վաղ Թրամփը հայտարարել էր, որ Ուկրաինայում հրադադարի համար ՌԴ-ին տրվող 10-օրյա վերջնաժամկետը սկսվում է հուլիսի 29-ին։
Թարգմանությունը՝ Էմմա Չոբանյանի
