06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռուսաստանում արգելափակել են ինտերնետի արագությունն ու որակը ստուգող Speedtest ծառայությունը
Քաղաքականություն
30.07.2025 | 17:22
«Ռոսկոմնադզոր»-ը Ռուսաստանում արգելափակել է ինտերնետ կապի արագությունն ու որակը չափելու համար նախատեսված Ookla ընկերության Speedtest ծառայությունը, գրում է Meduza-ն։ Այս որոշումը բացատրել են«հանրային կապի ցանցի և ինտերնետի ռուսական հատվածի անվտանգությանը սպառնացող վտանգներով»։
«Ռոսկոմնադզոր»-ը խորհուրդ է տալիս օգտագործել «վստահելի ռուսական ծառայություններ» և հիշեցրել է ProSet ծառայության մասին, որը տվյալների փոխանցման արագությունը ստուգելու տեղական լուծումն է։
2024 թվականի հունիսին «Ռոսկոմնադզոր»-ը հայտնել էր , որ իր մասնագետները ստեղծել են իրենց սեփական հավելվածը՝ բջջային սարքերում կապի որակը ստուգելու համար, որը կոչվում է ProSet։
Դեռևս անցյալ տարվա հոկտեմբերին էր հաղորդվել, որ Ռուսաստանում կարող է արգելափակվել Speedtest-ին հասանելիությունը։ «Ռոսկոմնադզոր»-ն այն ժամանակ հայտարարել էր, որ դա տեղի կունենա, «եթե պարզվի, որ ծառայության գործունեությունը սպառնալիք է ներկայացնում Ռուսաստանի Դաշնության տարածքում ինտերնետի և հանրային կապի ցանցի կայունության, անվտանգության և ամբողջականության համար»։
2023 թվականի հոկտեմբերին Մոսկվայի դատարանը ամերիկյան Ookla ընկերությանը (Speedtest-ի սեփականատերը) տուգանել էր վեց միլիոն ռուբլով՝ Ռուսաստանում տվյալները տեղայնացնելուց կրկնակի մերժման համար։
Վերջին ամիսներին Ռուսաստանի տարբեր շրջաններում անջատում են բջջային ինտերնետը՝ ուկրաինական անօդաչու թռչող սարքերի կողմից ավելի ու ավելի հաճախակի դարձող զանգվածային հարձակումների պատճառով։
«На связи»-ի նախագծի տվյալներով, որը հավաքում է օգտատերերի բողոքները և ստուգում դրանք տեխնիկական միջոցներով, ցույց են տալիս, որ հունիսի վերջին սահմանափակող միջոցառումները սկսել են պարբերաբար ազդել երկրի բոլոր շրջանների կեսից ավելիի վրա։
Թարգմանությունը՝ Էմմա Չոբանյանի
