23.05.2026 | 15:30
Թուրք լրագրողի և կեղծիքի ցանցի նոր պնդումները ադրբեջանցիների վերադարձի մասին
Թուրքիայի ԱԽ նիստում կքննարկվեն Հայաստան-Ադրբեջան հարաբերությունները
Քաղաքականություն
30.07.2025 | 13:06
Թուրքիայի նախագահ Ռեջեփ Թայիփ Էրդողանի ղեկավարությամբ այսօր Ազգային անվտանգության խորհրդի նիստ տեղի կունենա, որի ընթացքում կքննարկվեն երկրում և դրա սահմաններից դուրս տեղի ունեցող զարգացումները։
Turkiye Gazetesi-ն գրում է, որ տարվա չորրորդ նիստի ամենակարևոր օրակարգային հարցը կլինի «Թուրքիան առանց ահաբեկչության» տեսլականի շրջանակում ձեռնարկված հաջորդ քայլերը։ Կքննարկվեն PKK-ի խորհրդանշական զինաթափումից հետո տարածաշրջանում տեղի ունեցած վերջին զարգացումները և առաջիկա խորհրդարանական հանձնաժողովի ստեղծումը։ Կքննարկվի նաև Քուրդիստանի աշխատավորական կուսակցության (PKK) սիրիական թևի՝ YPG-ի (SDF) ինտեգրման գործընթացն իշխանության ուժերին, կգնահատի Սիրիայի նոր կառավարության և SDF-ի միջև մարտին ստորագրված համաձայնագրի չկատարման հետևանքով առաջացող հնարավոր անվտանգության ռիսկերը։
Նախատեսվում է քննարկել նաև Իսրայելի կողմից Սիրիայի վրա հարձակումից հետո, որի պատրվակը դրուզներին պաշտպանելն էր։ Խորհրդի օրակարգում է նաև Իսրայելի ցեղասպանությունը Գազայում, ինչպես նաև Սիրիայի և Իրանի դեմ գործողությունները: Կգնահատվի նաև Մերձավոր Արևելքում լարվածության աճի ազդեցությունը Թուրքիայի տարածաշրջանային անվտանգության վրա:
Ակնկալվում է, որ նիստի ընթացքում կքննարկվեն նաև անտառային հրդեհները, Ռուսաստան-Ուկրաինա պատերազմը, «Հարավային Կովկասում Ադրբեջանի և Հայաստանի միջև ժամանակ առ ժամանակ աճող լարվածությունը»։
Թարգմանությունը՝ Էմմա Չոբանյանի
