24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Բելգորոդում ուկրաինական ԱԹՍ-ն հարվածել է բնակելի շենքի
Քաղաքականություն
30.07.2025 | 13:15
Ուկրաինական անօդաչու թռչող սարքերը հուլիսի լույս 30-ի գիշերը հարձակվել են Բելգորոդի վրա։ Այս մասին հայտնել է Բելգորոդի նահանգապետ Վյաչեսլավ Գլադկովը, փոխանցում է Meduza-ն։
Նրա խոսքով՝ միջադեպի հետևանքով վնասվել է Շչորսա փողոցում գտնվող բազմահարկ բնակելի շենքը։
Գլադկովը նշել է, որ 10 բնակարանում կոտրվել են ապակիներ, վնասվել է շենքի ճակատային մասը, վնասվել է նաև 24 մեքենա։ Նախնական տեղեկություններով՝ տուժածներ չկան։
Նահանգապետն ընդգծել է, որ իշխանությունները պետք է մշակեն Արտակարգ իրավիճակների նախարարության հետ համատեղ գործողությունների ավելի հստակ ալգորիթմ քաղաքացիական անձանց համար ուկրաինական անօդաչու թռչող սարքերի հարձակումից հետո: Նրա խոսքով՝ առաջին հարվածին հաճախ հաջորդում է երկրորդը, և բնակիչներին «պետք է բարձրախոսներով զգուշացնել լքել հարձակման վայրը, լքել բաց տարածքները»:
Թարգմանությունը՝ Էմմա Չոբանյանի
