08.03.2026 | 22:19
Իրանը հայտարարել է՝ հրթիռային հարվածների հետևանքով լուրջ վնասվել է Սպահանի միջուկային օբյեկտը
Ճամբարից ճամբար են թռնում, որովհետև քաղաքական գործիչներ չեն․ պետք չէ երկրի բոլոր ճյուղերը վստահել այդ մարդկանց․ Հովհաննես Իգիթյան․ ՏԵՍԱՆՅՈՒԹ
Քաղաքականություն
18.10.2018 | 17:03
Հայաստանի Սահմանադրություն գրողները չէին պատկերացնում, որ երկրում կարող է ստեղծվել մի իրավիճակ, երբ ողջ ժողովուրդը կարող է ոտքի կանգնել և մեկ պահանջ ներկայացնել իշխանություններին, դրա համար էլ այժմ միակ տարբերակն Ազգային ժողովի լուծարման համար մնում է այն, ինչին դիմեց ՀՀ վարչապետի ժամանակավոր պաշտոնակատար Նիկոլ Փաշինյանը։
Այս մասին այսօր հրավիրված մամուլի ասուլիսի ժամանակ ասաց միջազգային փորձագետ Հովհաննես Իգիթյանը՝ նշելով, որ մենք այժմ գնում ենք ընտրության՝ ընտրելու երկրի առաջին դեմքին՝ ասել է թե, տպավորություն է, որ ընտրում ենք նախագահ։
«Իսկ ինչ վերաբերում է հարցին՝ արդյոք այդ ընտրություններից հետո կձևավորվի՞ ընդդիմություն, ապա պետք է ասեմ, որ դեռ հարց է, որ ԸՕ-ով նախատեսված 30 տոկոսը կլինի՞ արդյոք ընդդիմություն, քանի որ նախկինում մենք ունեցել ենք տարբերակ, երբ խորհրդարանում եղել է ոչ թե ընդդիմություն, այլ այլընտրանքային իշխանություն, ինչպիսին ԲՀԿ-ն էր։ Այնպես որ, ես համոզված եմ, որ մեզ մոտ հետագայում կձևավորվի ընդդիմությունը»,- ասաց Իգիթյանը։
Վերջինս նաև նկատեց, որ երկրում ստեղծվել է մի այնպիսի իրավիճակ, որ տարբեր մարդիկ ճամբարներ են փոխում պաշտոններ ստանալու համար, և դրա պատճառն այն է, որ այդ ճամբարափոխները ճամբարից ճամբար են թռնում, որովհետև քաղաքական գործիչներ չեն եղել և չեն, ուստի երկրի բոլոր ճյուղերը չպետք է վստահել նրանց։
Մանրամասները՝ տեսանյութում։
