07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Մինսկում ԱԹՍ է խոցվել․ բեկորներն ընկել են բնակելի շենքի բակում
Քաղաքականություն
29.07.2025 | 16:28
Մինսկի երկնքում հուլիսի 29-ի գիշերն անօդաչու թռչող սարք է խոցվել, որի բեկորները ընկել են Մատուսևիչի փողոցի 72-րդ տան մոտակայքում։ Այս մասին հայտնել է Բելառուսի պաշտպանության նախարարությունը, գրում է Meduza-ն։
«Հուլիսի 29-ին գիշերը ժամը 2-ի սահմաններում, ՀՕՊ հերթապահ ուժերը հայտնաբերել և կասեցրել են Բելառուսի Հանրապետության օդային տարածքում անհայտ օդային թիրախի թռիչքը՝ օդային տարածքի օգտագործման կանոնակարգերը խախտած և նույնականացված որպես անօդաչու թռչող սարք», – ասվում է ռազմական գերատեսչության մամուլի ծառայության հայտարարության մեջ։
Պաշտպանության նախարարությունը հայտնել է, որ տուժածներ չկան։
Ականատեսները «Զերկալո»-ին պատմել են, որ լսել են մոպեդի ձայնի նմանվող ձայն, ապա՝ պայթյուն։ Նրանց խոսքով՝ անօդաչու թռչող սարքը բախվել է տանը, որից հետո ընկել է բակում կայանված մեքենայի վրա և պայթել։ Լրատվամիջոցը հիշեցնում է, որ ռուսական անօդաչու թռչող սարքերը պարբերաբար թռչում են Բելառուս։
Հիշեցնենք՝ Լիտվան էլ հայտնել էր, որ հուլիսի 28-ի առավոտյան տեղի բնակիչները նկատել են անհայտ անօդաչու թռչող սարք, որը հատել է երկրի օդային տարածքը Բելառուսից։ ԱԹՍ-ն նկատվել էր Վիլնյուսի մոտակայքում։
Թարգմանությունը՝ Էմմա Չոբանյանի
