16.02.2026 | 19:13
IDBank-ը ներկայացուցչություն է բացել ԱՄՆ Կալիֆորնիա նահանգի Գլենդել քաղաքում
Ամփոփվել են 8-12-րդ դասարանցիների սպարտակիադայի ծրագրով անցկացվող հնգամարտի և շախմատի մրցումների արդյունքները
18.10.2018 | 13:14
Երեկ ավարտվել են ՀՀ սպորտի և երիտասարդության հարցերի նախարարության կողմից անցկացվող «Հայաստանի Հանրապետության մարզերի,Երևան քաղաքի և Արցախի Հանրապետության հանրակրթական դպրոցների 8-12-րդ դասարանների աշակերտների սպարտակիադա» մարզականմիջոցառման ծրագրով նախատեսված հնգամարտի և շախմատի եզրափակիչ (հանրապետական) փուլի մրցումները, որոնց մասնակցել է 240 աշակերտ(120-ական՝ հնգամարտից և շախմատից):
Հնգամարտում մասնակից տղաներն ուժերն են չափել 100 մետր վազք, հեռացատկ տեղից, 1000 մետր վազք, ձգումներ պտտաձողից (կախ դրությունից) ևթենիսի գնդակի նետում, իսկ աղջիկները` 60 մետր վազք, հեռացատկ տեղից, 500 մետր վազք, ձեռքերի ծալում և ուղղում մարզանստարանին, հենումպառկած դրությունից, թենիսի գնդակի նետում մրցաձևերում: Հնգամարտի ընդհանուր հաշվարկով հաղթող են դարձել Միքայել Բաբլոյանը և Էլեն Խաչատրյանը, երկուսն էլ Արարատի մարզից:
Երեկ ամփոփվել են նաև սպարտակիադայի ծրագրով անցկացվող շախմատի մրցումների արդյունքները: Աղջիկներից հաղթել է Աննա Սարգսյանը(Արարատի մարզ), իսկ տղաներից՝ Ալեքս Մանուկյանը (Արցախի Հանրապետություն):
Հնգամարտի առանձին մրցաձևերում և շախմատի անհատական մրցումներում 1-ին, 2-րդ և 3-րդ տեղեր գրաված աշակերտներին հանձնվել են ՀՀսպորտի և երիտասարդության հարցերի նախարարի հավաստագրեր և մեդալներ: Իսկ մրցանակային տեղերը զբաղեցրած թիմերն արժանացել ենհավաստագրերի և գավաթների:
