21.01.2026 | 23:30
Ինչ իրավիճակ է Հայաստանի ճանապարհներին և Լարսում
Պարզ համամասնական ընտրակարգ, ընտրագրավի և անցողիկ շեմի նվազեցում․ ինչ փոփոխություններ է կատարվել ԸՕ-ում․ ՏԵՍԱՆՅՈՒԹ
Քաղաքականություն
18.10.2018 | 13:26
Ընտրական օրենսգրքում կատարված փոփոխություններով առաջարկում ենք իրականացնել պարզ համամասնական ընտրություններ, որոնց մասին կա ընդհանուր կոնսենսուս օրենսգքրի փոփոխությունների ժամանակ առաջարկություններ ներկայացրած բոլոր ուժերի կողմից։
«Առաջարկվող փոփոխություններն էլ հնարավորություն են տալիս մրցակցային պայմաններում անցկացնել ընտրությունները, թեև ժամանակի սղության պատճառով կարողացել ենք անդրադառնալ միայն ամենաակտուալ խնդիրներին»։
Այս մասին այսօր հրավիրված քննարկման ժամանակ ասաց ՀՀ վարչապետին առընթեր Ընտրական օրենսգրքի բարեփոխումների հանձնաժողովի անդամ Համազասպ Դանիելյանը։
ՀՀ վարչապետին առընթեր Ընտրական օրենսգրքի բարեփոխումների հանձնաժողովի անդամ Վարդինե Գրիգորյանն էլ փոփոխությունների մեջ կարևորեց այն կարգավորումը, որը վերաբերում է կանանց ներկայացվածության խնդրին։
«Կան նաև կարգավորումներ հաշմանդամություն ունեցող անձանց քվեարկությունն ապահովելու համար։ Շատ կարևոր են նաև այն կարգավորումները, որոնք կապված են զինված ուժերի համար։ Կուսակցությունների համար էլ բավականին նպաստավոր իրավիճակ է ստեղծվել ընտրագրավի նվացեցման և անցողիկ շեմի իջեցման առումով»,- ասաց նա։
Մանրամասները՝ տեսանյութում։
