12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Երիտասարդին մարմնական վնասվածքներ պատճառած օտարերկրացին ձերբակալվել է «Զվարթնոց» օդանավակայանում
25.07.2025 | 12:28
Հուլիսի 18-ին ՆԳՆ ոստիկանության օպերատիվ կառավարման կենտրոն «Սուրբ Գրիգոր Լուսավորիչ» բժշկական կենտրոնից հաղորդում է ստացվել, որ շտապօգնության խումբը ծակած-կտրած վնասվածքներով բուժօգնության է տեղափոխել Երևանի բնակիչ 34-ամյա մի երիտասարդի: Այս մասին հաղորդում է ՆԳՆ ոստիկանությունը։
«Պարզվել է, որ Դավիթ Բեկի փողոցում տեղի ունեցած վիճաբանության ժամանակ 34-ամյա երիտասարդին դանակով հարվածներ է հասցրել 33-ամյա օտարերկրացի երիտասարդը: Նախաձեռնվել է քրեական վարույթ:
Նոր Նորքի համայնքային ոստիկանները, ձեռնարկված միջոցառումների արդյունքում, հուլիսի 22-ին 33-ամյա երիտասարդին «Զվարթնոց» օդանավակայանում հայտնաբերել, ձերբակալել և տեղափոխել են բաժին, ապա ներկայացրել նախաքննական մարմին։
Նախաքննությունը շարունակվում է»,- հայտնում են ոստիկանությունից:
