15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
Փաշինյանը ցավակցական հեռագիր է հղել Պուտինին
Քաղաքականություն
24.07.2025 | 19:17
Վարչապետ Նիկոլ Փաշինյանը ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին ԱՆ-24 ինքնաթիռի ավիավթարի հետևանքով տասնյակ զոհերի կապակցությամբ:
Կառավարության մամուլի ծառայության փոխանցմամբ՝ հեռագրում ասված է.
«Հարգելի Վլադիմիր Վլադիմիրի,
Ընդունեք անկեղծ ցավակցություններս՝ Խաբարովսկ-Բլագովեշչենսկ-Տինդա չվերթն իրականացնող «Անգարա» ավիաընկերության ԱՆ-24 քաղաքացիական ինքնաթիռի ուղևորների ողբերգական մահվան կապակցությամբ։
Խնդրում եմ անկեղծ կարեկցանքի և աջակցության խոսքերս փոխանցել ինքնաթիռի վթարի հետևանքով իրենց հարազատներին կորցրած ընտանիքներին»:
Ավելի վաղ տեղեկացրել էինք, որ ՌԴ-ում Ան-24 ինքնաթիռ է կործանվել, որում 50 մարդ է եղել․ բոլորը զոհվել են։
