21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Զախարովան արձագանքել է ՌԴ-ի վերաբերյալ Ալիևի հայտարարություններին
Քաղաքականություն
24.07.2025 | 15:20
ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է Շուշիի մեդիա ֆորումի ժամանակ ուկրաինական պատերազմի հետ կապված Ադրբեջանի նախագահ Իլհամ Ալիևի հայտարարություններին։
«Ով էլ նման բան հայտարարի մեզ համար սկզբունքային հարցերում, համապատասխան արձագանք կտրվի։ Ինձ այդ ֆորումում զարմացրել է, մեր օրենսդրության համաձայն, հանցագործի ներկայությունը, որն ունի համապատասխան կարգավիճակ, իրեն Ուկրիանայի լրագրող ներկայացնող Դմիտրի Գորդոնի»,- հայտարարել է ՌԴ ԱԳՆ ներկայացուցիչը։
Խոսելով Ադրբեջանի հետ հարաբերությունների մասին՝ Զախարովան նշել է, որ հիմա, մեղմ ասած, դժվար փուլ է։
«ՌԴ-ն հույս ունի, որ այն չի ձգվի և շուտով կկարգավորվի։ Դրա ճանապարհին քայլ կլիներ ՌԴ քաղաքացիների ազատ արձակումը»,- ասել է Զախարովան՝ հիշեցնելով Բաքվի կողմից ՌԴ քաղաքացիների ձերբակալման մասին ու նշել, որ ադրբեջանական կողմի հետ կապ են պահպանում նաև իրավական մարմինների գծով։
Հիշեցնենք՝ Իլհամ Ալիևը հայտարարել էր, որ Ադրբեջանը միջազգային հայց է պատրաստում Ռուսաստանի դեմ՝ 2024 թվականի վերջին «Ադրբեջանական ավիաուղիների» (AZAL) օդանավի կործանման պատճառով: Ալիևը կոչ էր արել Ուկրաինային «չհամաձայնել օկուպացիային»։
«Երբեք չհամաձայնվել օկուպացիայի հետ, սա է գլխավոր խորհուրդը»,- հայտարարել էր Ադրբեջանի նախագահը ուկրաինացի լրագրող Դմիտրի Գորդոնի հարցին ի պատասխան։
Թարգմանությունը՝ Էմմա Չոբանյանի
