02.03.2026 | 13:33
Հայ-իրանական սահմանին առանձնահատուկ շարժ չկա. Արմեն Ղազարյան․ ՏԵՍԱՆՅՈՒԹ
Կերչի քոլեջում հարձակման հետևանքով զոհերի թիվը հասել է 20-ի, տուժածներից 34-ի վիճակը ծայրահեղ ծանր է
Քաղաքականություն
18.10.2018 | 12:12
Ղրիմի Կերչ քաղաքի պոլիտեխնիկական քոլեջում հարձակման հետևանքով զոհերի թիվը հասել է 20-ի: Զոհվածների թվում են քոլեջի 14 ուսանողներ, 5 աշխատակիցներ և ենթադրյալ հանցագործը՝ 4-րդ կուրսի 18-ամյա ուսանող Վլադիսլավ Ռոսլյակովը. տեղեկացնում է rbc.ru-ն:
Հարձակման հետևանքով 44 տուժած դեռևս հիվանդանոցում է: ՌԴ առողջապահության նախարար Վերոնիկա Սկվորցովայի տեղեկացմամբ՝ 34-ի վիճակը ծայրահեղ ծանր է, 7-ինը՝ ծանր:
Հիշեցնենք, որ հոկտեմբերի 17-ին Կերչի քոլեջի ուսանող Վլադիսլավ Ռոսլյակովն ինքնաշեն պայթուցիկ սարքով ուսապարկը թողել էր ուսումնական հաստատության ճաշարանում, հետո կրակ բացել ուսանողների և դասախոսների ուղղությամբ ու ինքնասպան եղել: Կրեմլի խոսնակ Դմիտրի Պեսկովը հայտարարել էր, որ կատարվածի վարկածներից մեկն ահաբեկչությունն է:
Ավելի ուշ Ռոսլյակովի իրերում երկրորդ ռումբն են գտել:
