09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Թուրքիայում անտառային հրդեհների դեմ պայքարում առնվազն 10 հրշեջ է զոհվել․ ՏԵՍԱՆՅՈՒԹ
Քաղաքականություն
24.07.2025 | 15:31
Թուրքիայի կենտրոնական Էսքիշեհիր նահանգում բռնկված անտառային հրդեհի դեմ պայքարում 10 հրշեջ է զոհվել, ևս 14-ը՝ վիրավորվել, փոխանցում է Bianet-ը։
Հրդեհը բռնկվել է նախօրեին։ Մի քանի հրշեջներ նախ անհետ կորել էին հրդեհը մարելու աշխատանքների ընթացքում։ Գյուղատնտեսության և անտառտնտեսության նախարար Իբրահիմ Յումաքլին ավելի ուշ հաստատել է զոհերի մասին տեղեկությունը՝ նշելով, որ զոհերից 5-ը անտառտնտեսության գլխավոր վարչության աշխատակիցներ են, մյուսները՝ AKUT որոնողական-փրկարարական կազմակերպության աշխատակիցներ։
Վերջին շաբաթներին Թուրքիան պայքարում է ուժեղ շոգի դեմ, որը, զուգորդված չորային և քամոտ եղանակային պայմանների հետ, խթանել է անտառային հրդեհների արագ տարածումը և բարդացրել մարման աշխատանքները։ Հրդեհներ են գրանցվել նաև Քարաբյուկում, Անթալիայում, Իզմիրում, Մանիսայում, Դենիզլիում և Էսքիշեհիրի այլ շրջաններում, որոնց մի քանիսը այժմ վերահսկողության տակ է։
Ներքին գործերի նախարար Ալի Երլիքայան հայտարարել է, որ հուլիսի 4-ից 22-ը երկրի 15 նահանգներում բռնկվել է, ընդհանուր առմամբ, 61 անտառային հրդեհ։ Դեպքերի կապակցությամբ ձերբակալվել է 23 անձ։
Թուրքական աղբյուրները հայտնում են, որ հուլիսի 20-ին Սաքարիայի Գեյվե շրջանի անտառածածկ տարածքում բռնկված հրդեհը, որը հետագայում տարածվել էր Բիլեջիկ և մեծ մասամբ մարվել, կրկին տարածվել է քամու պատճառով։
Թարգմանությունը՝ Էմմա Չոբանյանի
