06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ուկրաինական ԱԹՍ-ները գրոհել են Նովոչերկասկը․ հարվածի տակ են հայտնվել կայարանն ու էլեկտրակայան. ՏԵՍԱՆՅՈՒԹ
Քաղաքականություն
23.07.2025 | 13:21
Ուկրաինայի զինված ուժերը հուլիսի լույս 23-ի գիշերը հարձակվել են ՌԴ Ռոստովի մարզի վրա։ Այս մասին իր տելեգրամ ալիքում հայտնել է նահանգապետ Յուրի Սլյուսարը։ Նրա խոսքով՝ ուկրաինական անօդաչու թռչող սարքերը հարձակվել են Նովոչերկասկի և մարզի մի շարք այլ բնակավայրերի վրա, գրում է Meduza-ն։
Նահանգապետի խոսքով՝ Նովոչերկասկում վիրավորվել է չորս մարդ։ Տարբեր շրջաններում հրդեհներ են բռնկվել, որոնք արագորեն մարվել են։ Բացի այդ, վնասվել է չորս մեքենա։
Ռուսական Baza և Astra տելեգրամ ալիքների հաղորդմամբ՝ Նովոչերկասկի բնակիչները պատմում են, որ ուկրաինական անօդաչու թռչող սարքերը հարվածել են երկաթուղային կայարանի և էլեկտրակայանի տարածքին։ Այս տեղեկատվությունը դեռևս հաստատված չէ։
Ուկրաինական Exilenova+ տելեգրամ ալիքը հրապարակել է տեսանյութ, որը, ենթադրաբար, ցույց է տալիս Նովոչերկասկի երկաթուղային կայարանի վրա հարձակման պահը։
Ռուսական լրատվամիջոցները նաև տեսանյութ են հրապարակել, որում, ըստ որոշ տեղեկությունների, երևում է, թե ինչպես են Նովոչերկասկի բնակիչները մարում քաղաքի կենտրոնում բեկորների ընկնելու հետևանքով բռնկված հրդեհը։ Տեսանյութի իսկությունը հաստատված չէ:
ՌԴ Պաշտպանության նախարարությունը հայտնել է, որ հուլիսի լույս 23-ի գիշերը ՀՕՊ ուժերը որսացել և ոչնչացրել են ուկրաինական 33 անօդաչու թռչող սարք, այդ թվում՝ 11-ը՝ Ռոստովի մարզում։
Թարգմանությունը՝ Էմմա Չոբանյանի
