21.12.2025 | 13:04
24-ժամյա վթարային ջրանջատում Երևանում և Կոտայքում
Ռուս զինվորականները ներթափանցել են Պոկրովսկ․ ուկրաինական ԶԼՄ-եր
Քաղաքականություն
22.07.2025 | 14:02
Ռուս զինվորականներ են ներթափանցել Ուկրաինայի Դոնեցկի մարզի Պոկրովսկ քաղաք։ Տեղից զինվորականները «Украинская правда»-ին հաստատել են քաղաք ռուսական ներթափանցման փաստը, ներկայում ընթանում են նրանց դիվերսիոն խմբերի ոչնչացման աշխատանքներ։
Լրատվամիջոցի հետ զրուցած զինվորականների խոսքով՝ Պոկրովսկում ռուսական հետևակի առաջին խմբերը գրանցվել են 5 օր առաջ՝ հուլիսի 17-ին։
Հուլիսի 21-ի երեկոյան Deep State վերլուծական նախագիծը հաղորդել է, որ Պոկրովսկում «շարունակվում է օկուպանտների դիվերսիոն խմբերի վերացումը»։
«Մի քանի օր առաջ հակառակորդը, օգտվելով այն փաստից, որ բրիգադներից մեկի մոտ պարզապես հետևակ չկա, ինչպես նաև իրավիճակի ոչ ճշգրիտ ներկայացումից, Զվերևոյով ներխուժել է քաղաք։ 155-րդ առանձին մեխանիզացված բրիգադի և 68-րդ առանձին բրիգադի տղաները ստիպված էին շտապ շտկել իրավիճակը, որպեսզի այն չվերածվեր աղետի»,- ասվում է հաղորդագրության մեջ։
Նշվում է, որ ռուսները նպատակ ունեն ամրապնդվել, սպասել օժանդակ ուժերի ժամանմանը և հսկողության տակ վերցնել Ուկրաինայի պաշտպանների փողոցը։ Հուլիսի 21-ի երեկոյի դրությամբ՝ օկուպանտների խմբերի որոնումներն ու ոչնչացումը շարունակվել է։
«Ցավոք, մեր կողմից նույնպես կան կորուստներ։ Բացի այդ, օժանդակող կրակի քանակը մեծացել է, քանի որ բոլորը գրեթե անմիջապես իմացել են «դիվերսիոն և հետախուզական խմբերի» մասին, բայց մեծ մասը պատկերացում չուներ երթուղիների, դրանց գտնվելու վայրի և ուղղության մասին։ Հետևաբար, նման ներթափանցումների մասին լուրերը պետք է ներկայացնել սառնասրտությամբ»,- հավելել է Deep State-ը։
Նախագծի վերլուծաբանները նաև ընդգծել են, որ արդեն կա տեսանյութ, որտեղ երևում է, թե ինչպես են զինվորներին դարանակալում Շևչենկո և Ուկրաինայի պաշտպանների փողոցների անկյունում։
Նույն օրը Ուկրաինայի զինված ուժերի գլխավոր հրամանատար Ալեքսանդր Սիրսկին երկրի նախագահ Վլադիմիր Զելենսկիին զեկուցել է Պոկրովսկի մոտ դիվերսիոն խմբի ոչնչացման մասին։
«Այսօր թշնամական դիվերսիոն խումբը փորձել է ներխուժել քաղաք, բայց բացահայտվել և ոչնչացվել է ուկրաինացի պաշտպանների կողմից։ Մեր Պոկրովսկը շարունակում է անսասան կերպով պահել պաշտպանությունը»,- ասել էր Սիրսկին։
Թարգմանությունը՝ Էմմա Չոբանյանի
