12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
«Ակնկալում ենք, որ «Զանգեզուրի միջանցքը» կդառնա կոնսենսուսի խորհրդանիշ, այլ ոչ թե անհամաձայնության աղբյուր»․ Էրդողան
Քաղաքականություն
21.07.2025 | 16:06
Այսպես կոչված, «Զանգեզուրի միջանցքը» օգուտ կբերի ոչ միայն Ադրբեջանին, Հայաստանին և Թուրքիային, այլև տարածաշրջանի մյուս երկրներին։ Նման հայտարարությամբ է հանդես եկել Թուրքիայի նախագահ Ռեջեփ Թայիփ Էրոդղանը ինքնահռչակ Հյուսիսային Կիպրոսից վերադառնալիս լրագրողների հետ զրույցում, փոխանցում է TRT Haber-ը։
«Մենք այն համարում ենք նաև չափազանց կարևոր՝ իր աշխարհատնտեսական նշանակության պատճառով։ Իրականում, այն կկապի մեր տարածաշրջանից դուրս գտնվող շրջանները և կխթանի առևտուրը։ Մեր հիմնական ակնկալիքն այն է, որ այն կդառնա կոնսենսուսի խորհրդանիշ, այլ ոչ թե անհամաձայնության աղբյուր։ Այսպիսով, տարածաշրջանը կդառնա բարգավաճ տարածք, որտեղ գերակշռում է համագործակցությունը։ Ես կարծում եմ, որ մենք՝ որպես տարածաշրջանի երկրներ, կարող ենք լուծել այս խնդիրը փոխադարձ համաձայնությամբ։ Ադրբեջանի նախագահ Իլհամ Ալիևը մեծ նշանակություն է տալիս Զանգեզուրին։ Նա ցանկանում է որքան հնարավոր է շուտ կառուցել երթուղին և օգտագործել այն և՛ Ադրբեջանի, և՛ տարածաշրջանի համար։ Ես հավատում եմ, որ մենք միասին կլուծենք այս խնդիրը»,- ասել է Էրդողանը։
Հիշեցնենք, որ ՀՀ վարչապետի մամուլի խոսնակ Նազելի Բաղդասարյանը, անդրադառնալով Ադրբեջանի նախագահ Իլհամ Ալիևի վերջին հայտարարություններին տարածաշրջանում հաղորդակցությունների բացման հետ կապված, հայտարարել էր, որ Հայաստանի Հանրապետությունը երբևէ որևէ մեկի հետ չի քննարկել, չի քննարկում և չի քննարկելու Ադրբեջանի նախագահի նշած անվանաբանությունը և դրանից բխող տրամաբանությունը։
Թարգմանությունը՝ Էմմա Չոբանյանի
