22.05.2026 | 20:47
Գորիսում ընտրական իրավունքի իրականացումը խոչընդոտելու գործով հետախուզվում է քրեական հեղինակություն Արտեմ Դոռունցը. ՆԳՆ
ՌԴ-ն հրթիռային հարվածներ է հասցել Կիևում Ադրբեջանի դեսպանատան շրջակայքին․ ԼՈՒՍԱՆԿԱՐՆԵՐ
Քաղաքականություն
21.07.2025 | 13:24
Ուկրաինայի մի քանի շրջաններ, այդ թվում՝ Կիևը, ռուսական բանակի կողմից զանգվածային օդային հարձակումների են ենթարկվել։ Ադրբեջանական լրատվամիջոցների հաղորդմամբ՝ Կիևում հրթիռային հարված է հասցվել Ադրբեջանի դեսպանատան մոտակայքում գտնվող շենքերին։ Ադրբեջանական աղբյուրները Ադրբեջանի դեսպանատան շենքի հնարավոր վնասների մասին տեղեկություններ չեն հայտնում։
Հավելենք, որ ուկրաինական ռազմաօդային ուժերի հաղորդմամբ՝ ռուսական զորքերը հուլիսի լույս 21-ի գիշերը հարվածել են Ուկրաինային 426 ԱԹՍ-ով, հինգ X-47 M2 «Կինժալ» աերոբալիստիկ հրթիռներով, 14 X-101 թևավոր հրթիռներով, չորս «Կալիբր» թևավոր հրթիռներով և մեկ «Իսկանդեր-Կ» թևավոր հրթիռներով: Կիևի վրա հարձակման հետևանքով մեկ մարդ զոհվել է, յոթը՝ վիրավորվել։
Հիշեցնենք՝ հուլիսի 10-ին էլ Կիևի վրա ռուսական բանակի կողմից իրականացված զանգվածային օդային հարձակման ժամանակ, կամիկաձե անօդաչու թռչող սարքերից մեկն ընկել էր Ուկրաինայում Ադրբեջանի դեսպանատան շենքի մոտ։
Թարգմանությունը՝ Էմմա Չոբանյանի
