06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Ալիևը հայտարարել է, որ Ադրբեջանը հայց է պատրաստում ՌԴ-ի դեմ և մոտ է Հայաստանի հետ խաղաղության համաձայնագրին
Քաղաքականություն
19.07.2025 | 21:45
Ալիևը կոչ է արել Ուկրաինային «չհամաձայնել օկուպացիային» և հայտարարել, որ Ադրբեջանը հայց է պատրաստում ՌԴ-ի դեմ և մոտ է Հայաստանի հետ խաղաղության համաձայնագրին։ Այս մասին տեղեկացնում են ադրբեջանական լրատվամիջոցները։
«Երբեք չհամաձայնվել օկուպացիայի հետ, սա է գլխավոր խորհուրդը», – ասել է Ադրբեջանի նախագահը՝ Շուշիի 3 – րդ գլոբալ մեդիաֆորումի ընթացքում պատասխանելով ուկրաինացի լրագրող Դմիտրի Գորդոնի հարցին։
Նա համեմատել է իրավիճակը, որում հայտնվել Է Ուկրաինան Լեռնային Ղարաբաղի շուրջ հակամարտության հետ, որը Ադրբեջանը ռազմական ճանապարհով վերադարձրել է իր վերահսկողության տակ 2023 թվականին ։
Նույն ֆորումի շրջանակներում Իլհամ Ալիևը հայտնել է, որ Ադրբեջանը միջազգային հայց է պատրաստում Ռուսաստանի դեմ՝ 2024 թվականի վերջին «Ադրբեջանական ավիաուղիների» (ԱԶԱԼ) ինքնաթիռի կործանման պատճառով:
Հիշեցնենք, որ դեկտեմբերի 25-ին ղազախական Ակտաու քաղաքի մոտ կործանվել էր Գրոզնի թռչող AZAL-ի օդանավը, որի համար Ադրբեջանի նախագահ Իլհամ Ալիևը մեղադրել է ՌԴ-ին ու պահանջել պաշտոնապես ներողություն խնդրել, փոխհատուցում վճարել և մեղավորներին պատասխանատվության ենթարկել։ Օրերս ադրբեջանական իշխանամերձ լրատվամիջոցը հայտնել էր, որ ինքնաթիռի կործանման դեպքի առթիվ Ռուսաստանում անցկացված քրեական գործի հետաքննությունը հաստատել է, որ օդանավը խոցվել է «Պանցիր Ս-1» հակաօդային պաշտպանության համակարգով։ Ըստ ադրբեջանական կառավարության իրազեկ աղբյուրների՝ եթե Ռուսաստանը փորձի փակել գործը և չհրապարակի հետաքննության արդյունքները, ապա Բաքուն կդիմի միջազգային իրավական կառույցներին։
ԱԶԱԼ ինքնաթիռի կործանման համատեքստում Ադրբեջանի նախագահը հիշատակել է նաև Մալայզիական «Բոինգի» աղետը, որի հետաքննությունը շարունակվել է ավելի քան 10 տարի: Նրա խոսքով՝ Բաքուն նույնպես պատրաստ է սպասել դատավարությունների արդյունքին այնքան, որքան անհրաժեշտ կլինի։
Բացի դրանից՝ Ալիևը հայտարարել է, որ Ադրբեջանն ու Հայաստանը «շատ մոտ են» խաղաղության պայմանագրի ստորագրմանը:
