17.02.2026 | 22:12
Հայաստանի մի շարք հասցեներում էլեկտրաէներգիայի անջատումներ կլինեն
Ռուսաստանը զանգվածային հարվածներ է հասցրել Օդեսային և Պավլոգրադին
Քաղաքականություն
19.07.2025 | 11:15
Հուլիսի 19-ի՝ շաբաթ օրվա գիշերը, Ռուսաստանը շարունակում էր օդային զանգվածային հարվածներ հասցնել Ուկրաինայի տարածքին։ Օդեսայում հարձակման հետևանքով, որում օգտագործվել է շուրջ 20 հարվածային անօդաչու թռչող սարք, կա մեկ զոհ և վիրավորներ։ Վնասվել են բազմաբնակարան բնակելի շենքեր, հրդեհ է բռնկվել բազմահարկ շենքում, հայտնում են Օդեսայի քաղաքապետ Գեննադի Տրուխանովը, մարզային ռազմական վարչակազմի ղեկավար Օլեգ Կիպերը և տեղական լրատվամիջոցները, փոխանցում է DW-ն։
Պավլոգրադը (Դնեպրոպետրովսկի մարզ), ինչպես հայտնում են տեղական իշխանությունները, ենթարկվել է մինչ այժմ ամենազանգվածային հարձակմանը։
«Դժոխային գիշեր ու առավոտ Պավլոգրադի համար։ Քաղաքի վրա ամենազանգվածային հարձակումը։ Պայթյուն՝ պայթյունի հետևից։ Ռուս ահաբեկիչները քաղաքը թիրախավորել են հրթիռներով և անօդաչուներով», -գրել է Դնեպրոպետրովսկի մարզային վարչակազմի ղեկավար Սերգեյ Լիսակը Telegram-ում։
Նրա խոսքով, հարձակման հետևանքով ոչնչացվել են հրշեջ կայան, արդյունաբերական ձեռնարկություններ և հինգհարկանի մի շինություն։
Ռուսաստանի՝ Ուկրաինայի դեմ զանգվածային հարձակման պատճառով Լեհաստանը օդ է բարձրացրել ռազմական ավիացիա։
