05.10.2026 | 23:19
Փաշինյանը նոր նշանակումներ է արել
Բաքվի դատարանում ընթանում է Արցախի ղեկավարների շինծու գործերով նիստը․ «տուժողներն» են ցուցմունք տալիս
Քաղաքականություն
17.07.2025 | 15:50
Բաքվի զինվորական դատարանում ընթանում է Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով դատական նիստը։ Ադբեջանական լրատվամիջոցները հայտնում են, որ այսօրվա նիստում լսվում են, իբր, «հայկական զինված ուժերի կողմից ադրբեջանական տարածքների օկուպացիայի հետևանքով տուժածների ցուցմունքները»։
Մասնավորապես, «տուժող» Իդրիս Մամեդովը պատմել է, որ գերի է ընկել 1993 թվականի փետրվարին տեղի ունեցած մարտերի ժամանակ և պահվել է հայկական զինված ուժերի կողմից, այդ թվում՝ Ստեփանակերտի տներից մեկի նկուղում և Շուշիի բանտում։ Նա հավելել է, թե, իբր, գերության մեջ իրեն «տանջել են, ծեծել մահակներով, հարվածել բռունցքներով և ոտքերով, երեք ամսվա գերության ընթացքում նրան տվել են միայն մի փոքր հաց և ջուր»։
Մեկ այլ «տուժող» Մաարիֆ Ռուստամովն էլ ասել է, որ 44-օրյա պատերազմում ծանր վիրավորվել է, 2020 թվականի սեպտեմբերի 27-ին Մռավում՝ Քարվաճառի շրջանի ուղղությամբ, վիրավորվել են ևս երկուսը, իսկ չորսը՝ զոհվել։
Հավելենք, որ հուլիսի 14-ի նիստում դարձյալ, այսպես կոչված, «տուժողներն» էին ցուցմունքներ տվել, ցուցադրվել էր տեսանյութ, իբր, «ադրբեջանցիներին խոշտանգելու» մասին։
Թարգմանությունը՝ Էմմա Չոբանյանի
