29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
3 մլն դոլարի գործարք․ Վրաստանում երկու անձ է ձերբակալվել ուրանի անօրինական վաճառքի կասկածանքով
Քաղաքականություն
17.07.2025 | 16:12
Վրաստանի Հակահետախուզության և հատուկ գործողությունների դեպարտամենտի աշխատակիցները Բաթումիում ձերբակալել են Վրաստանի մեկ քաղաքացու և մեկ օտարերկրյա քաղաքացու՝ ռադիոակտիվ ուրանի անօրինական առք ու վաճառքի փորձի համար։ Այս մասին հայտնում է Վրաստանի Պետական անվտանգության ծառայությունը (ՊԱԾ):
«Վրաստանի պետական անվտանգության ծառայությունը բացահայտել է միջազգային հանցագործություն և կանխել այս հանցագործության հնարավոր զարգացումը տարբեր ուղղություններով։ Հակահետախուզության դեպարտամենտի և հատուկ գործողությունների դեպարտամենտի աշխատակիցների կողմից իրականացված համատեղ գործողությունների արդյունքում Բաթումի քաղաքում ձերբակալվել է Վրաստանի 1 և օտարերկրյա պետության 1 քաղաքացի՝ միջուկային նյութերի, մասնավորապես, ռադիոակտիվ քիմիական տարր ուրանի անօրինական առք ու վաճառքի համար»,- ասվում է հայտարարության մեջ։
Նշվում է, որ ձերբակալվածների միջև կնքված գործարքի համաձայն՝ նախատեսվում էր ուրանի անօրինական վաճառք 3 միլիոն ԱՄՆ դոլարի չափով։ Նշված միջուկային նյութը, հաշվի առնելով ռադիոակտիվ ալֆա և գամմա ճառագայթման դոզայի հզորությունը և աղբյուրի բնույթը, հարմար է տարբեր պայթուցիկ սարքեր պատրաստելու, ահաբեկչական գործողություն իրականացնելու կամ այլ ծանր, զանգվածային և մահացու հետևանքների առաջացման համար։
Հանցագործության հետաքննությունը տարվում է Վրաստանի քրեական օրենսգրքի 230-րդ հոդվածի համաձայն, որը նախատեսում է պատիժ՝ 5-ից 10 տարի ժամկետով ազատազրկում։
Ձերբակալված օտարերկրացու անունը և քաղաքացիությունը չեն հաղորդվում։
Թարգմանությունը՝ Էմմա Չոբանյանի
