07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Գերագույն ռադան Յուլիա Սվիրիդենկոյին հաստատել է Ուկրաինայի վարչապետի պաշտոնում
Քաղաքականություն
17.07.2025 | 13:39
Ուկրաինայի Գերագույն ռադայի պատգամավորները հավանություն են տվել փոխվարչապետ, էկոնոմիկայի նախարար Յուլիա Սվիրիդենկոյի նշանակմանը վարչապետի պաշտոնում։ Այս մասին հայտնել է ուկրաինացի պատգամավոր Յարոսլավ Ժելեզնյակը։
Սվիրիդենկոյի նշանակմանը կողմ է քվեարկել Ռադայի 262 պատգամավոր, 22-ը՝ դեմ։
Նախօրեին Գերագույն ռադան ընդունել էր վարչապետ Դենիս Շմիգալի հրաժարականը, որն այս պաշտոնը զբաղեցնում էր 2020 թվականի մարտից։ Սպասվում է, որ Շմիգալը կդառնա պաշտպանության նոր նախարարը։
Ուկրաինայի նախագահ Վլադիմիր Զելենսկին մի քանի օր առաջ հայտարարել էր կառավարության խոշոր վերադասավորումների մասին:
Ըստ լուրերի՝ երկրի ներկայիս պաշտպանության նախարար Ռուստեմ Ումերովին առաջարկվելու էր ԱՄՆ-ում Ուկրաինայի դեսպանի պաշտոնը: ՌԲԿ-Ուկրաինայի փոխանցմամբ, սակայն, այդ պաշտոնում նախատեսվում է նշանակել նախկին փոխվարչապետ և արդարադատության նախարար Օլգա Ստեֆանիշինային։ Ումերովը, ըստ աղբյուրների, կկենտրոնանա Ռուսաստանի հետ բանակցությունների վրա:
Թարգմանությունը՝ Էմմա Չոբանյանի
